香港夏天成日都落雨，想同出去玩都難啊，但大家又放暑假，想出去玩都難！小編今次就同大家介紹一系列雨天好去處，等大家落雨都可以同朋友玩到盡興～

講起打卡嘅Party Room，好多人都會諗起粉紅色少女烏Party Room，今次黎個港風懷舊情懷，回到去爸爸媽媽後生嘅年代，呢間士多Party Room主打港式情懷，位於銅鑼灣市區，同地鐵站超近，真係一個大班朋友聚腳嘅好去處。

呢度有唔少打卡位，有斑駁嘅牆壁，香港舊日街景、80件代卡通、仲有貨櫃風打卡牆，就算唔係少女風格都可以拍出好多靚相。

至於玩方面，除咗每間Party Room 都必備嘅唱K、打機、麻雀、Board game之外，仲有得跳飛機，比大家回到無機打嘅年代，體驗低物質嘅快樂。

呢度仲有懷舊街機，雖然小編唔識玩，但亂咁玩同朋友對戰都真係好開心。

唔止裝修同玩樂好懷舊，呢度仲有好多80s、90s嘅小食，唱K必備咪糖、爆炸糖、眼鏡糖、香煙糖等等一應俱全，吃貨都可以用味蕾黎懷舊一番，唔少小食都係特登係台灣訂返黎~足顯店主心思。

小編係度要隆重同大家介紹呢度必玩嘅Game，踩氣球，大家要鬥快踩爆對手頭上嘅氣球，真係十級刺激！玩到好似玩機動遊戲咁啊！

大家如果想上黎玩，記住提早Book房啊！

士多Party Room

FB:https://www.facebook.com/StorePartyRoom/

地址:4/F, 514 LOCKHART ROAD, CAUSEWAY BAY

電話:6296 9468