由2015年於銅鑼灣開業，2017年再於中環加開分店，雖然SHARI SHARI Kakigori House氷屋開業超過三年，但兩店依然人流不絕。

身為日本人的老闆想還原日本味道，所以Shari Shari Kakigori House 氷屋標榜使用從日本進口的純水製成刨冰。刨冰口味眾多，按時節會推出限定版口味，刨冰造型精美，打卡一流！加上香港比較少地方有提供到日式刨冰，吸引唔少人幫襯。

餐牌供應約15款刨冰，有伯爵茶、抹茶、士多啤梨等口味，更根據時令食材推出期間限定口味。刨冰價錢大約由$8x-9x。

和菓子或蛋糕類別的tea set則$5x-7x，以甜品價錢來說算是中上（留意每人有最低消費$35），而叫任何刨冰的話，只要加錢就可以加一款甜點。

部分刨冰中間更藏有內餡，令刨冰沒咁單調，口感更豐富，而且刨冰食到最尾都不會變淡。刨冰亦可以另加一些toppings，如可額外追加雪糕、醬料、白玉、紅豆等，砌出自己心水的刨冰。

一杯刨冰的份量其實好多，大家可以share嚟食。因為冰好快溶，最好20秒內影完相就食。由於冰被刨得非常細碎，食落口的口感係意想不到咁滑，完全唔會食到任何冰粒！炎炎夏日食一杯刨冰，感覺應該超爽！

SHARI SHARI Kakigori House氷屋兩間分店位於銅鑼灣、中環

總店地址：銅鑼灣希雲街14號地舖    分店：中環蘇豪士丹頓街47號地舗

總店營業時間：13:00-22:30  分店： 13:30-23:00

總店電話：2529 1223  分店：2661 2347