韓劇 Fans注意啦！終於等到宋仲基主演嘅電視劇！萬眾期待嘅《阿斯達年代記》已經係每日 22:30 Netflix 播出了。

呢次係韓國首次結合古代、神話、戰爭、愛情故事，有D似係韓版嘅《權力遊戲》，非常震撼

上映前係首爾盛大舉行記者會，宋仲基大曬婚後幸福生活，閃爆全場。宋仲基大方表示結婚對演戲方面無咩影響，但就令自己更有安全感，更有自信；佢話老婆（宋慧喬）都係編劇導演嘅粉絲，仲特別交代佢要集中精神演到最後，不斷給予支持鼓勵。

金玉彬表示好羨慕身為人夫嘅張東健依舊人氣爆棚。

導演金元錫最後能抽空到場；他略顯緊張咁話：「請大家唔好咁高期望！」可見他所承受嘅壓力有幾大。

而金榮昡、朴尚淵兩位編劇為了快速令大家了解成套《阿斯達年代記》，他們一開場就以相當幽默嘅口吻表示，呢套戲就係講張東健同金玉彬係好勁嘅人，而宋仲基同金智媛就咩都無，整齣劇就係講述呢四個人之間鬥爭嘅故事。

被問到四位演員參與演出嘅理由，張東健話佢自己本身就係編劇金榮昡同朴尚淵嘅粉絲，再聽到導演金元錫嘅名就更加興奮！

另一邊，宋仲基就透露自己因為《樹大根深》而同兩位編劇合作過，當時因為飾演反派無法一齊拍到最後一集，對於這次能再次合作感到十分榮幸。而金智媛與金玉彬兩人就表示看過劇本之後，都覺得如果就咁錯過呢次演出機會嘅話，可能好難再遇到咁精彩嘅劇本，所以爽快咁答應演出。

《阿斯達年代記》製作費用驚人，創下單集 30 億韓元 (約 2000 萬港幣)、整部戲的製作費更高達 540 億韓元 (約 4 億港幣) 的天價。

宋仲基表示說對龐大的製作費毫無壓力嘅話就是騙人的，但幸好有張東健係度，令佢減輕壓力，而且他最近亦培養左運動習慣，有助減壓。宋仲基仲搞笑咁透露這次是繼《太陽的後裔》之後再次同金智媛合作，先前兩人演對手戲嘅機會不多；而呢次就有好多互動，發現原來她嘅演技好棒，成日令自己忍不唔住「起雞皮」。