香港年年節日氣息都好濃厚，處處都係聖誕燈飾，不少商戶都推出聖誕商品、套餐等等，但往往係出面食都要預早Book定又或者要等好耐，唔想同人爭位？不如自己整聖誕大餐啦！如點你有焗爐，聖誕烤雞就係一個好選擇啦，睇落好似好複雜，但其實只係要花少少時間就可以整到！一齊試吓啊！
材料：
雞 1隻
薯仔 2粒
紅蘿蔔 1條
鮮菇 1盒
蘋果 2個
鼓油 少許
雙蒸酒 3湯匙
蜜糖 6湯匙
橄欖油 6湯匙
海鹽 5克
沙薑粉 5克
混合香草 5大匙
1）雞洗淨，用廚房紙吸乾水。全雞用叉咭幾吓。
2）拎一個大碗，放入然及所有調味料，充分按摩後倒入保鮮袋醃最少6小時。
3）配菜全部洗淨切塊，加橄欖油、海鹽及蒜粉少許調味。
4）烤盤上鋪錫紙，配菜塞滿雞內，其餘放上烤盤，再放上雞，醃料淋在雞上最後再按摩均勻。
5）用錫紙將全盤封好，以180℃焗50分鐘，小心揭開錫紙淋上汁液再以200℃焗12分鐘，完成！
呢盤烤雞嘅賣相係咪好吸引呢？小編嘅焗爐唔大，所以隻雞比較細，呢個時間係啱啱好熟；如果大雞可以再焗耐啲，由於有蜂蜜同鼓油，要包好錫紙先焗啊，如果唔係就好易燶架啦！最後祝大家有毎愉快溫馨嘅聖誕夜，bye-bye！
Tags: Homita做大廚
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
