記唔記得上嗰排好多人講嘅深圳抱抱象？今年新開嘅萬像天地又有新搞作，加入聖誕陣營，帶比大家一個夢幻金色聖誕。Light Up Your Golden Moment！一齊睇吓呢個新力軍首個聖誕季有咩咁吸引啦！
設計師由拆禮物一刻嘅美好感覺獲取靈感，喺每一個設計場景入面都以不同嘅形式同質感表達「禮物」嘅概念；8米高嘅大型禮盒、裝滿禮物嘅68個禮盒組成嘅聖誕樹、夢幻發光透明禮盒，30米金色絲帶幻化而成的時光隧道等等……無一不體現美陳的創意藝術與浪漫情懷。
第一個打卡位當然係去返巨型抱抱象前啦！除咗有掛滿彩球與霓虹燈嘅聖誕樹、復古單車之外自抬頭見到成幢大樓好似以絲帶紮好嘅禮物，抱抱象座係上面好似想將聖誕禮物送比大家咁啊！
入到室內，見到有以68個聖誕禮盒堆砌而成嘅聖誕樹，小編唔係一個貪戀物質嘅女仔，但都覺得佢好吸引啊！一旁仲有好似聖誕禮盒造型嘅時光隧道，企入去影相好靚啊！
禮盒開啟代表咗對祝福同驚喜，飛揚嘅絲帶代表分享同傳遞，簡約嘅設計同時表達咗聖誕傳統細節，聖誕唔係只係小朋友嘅節日，成熟簡約其實都可以好有聖誕氣氛。
華潤萬像天地嘅聖誕樹美輪美煥，歷經720小時設計製作，用常人眼中最普通嘅物料，打造成最精緻嘅美景。今次設計搭配咗3款聖誕樹，採用10多款不同花紋造型嘅聖誕彩球，定制金色刺繡聖誕綢緞裝飾；中庭仲冇一棵高達12米嘅巨型聖誕樹，加上璀璨絢麗嘅燈光令呢棵獨一無二嘅聖誕樹無比浪漫、無比夢幻，大家一定唔好錯過啦！
中庭嘅聖誕裝置仲可以同大家互動，只要係螢幕前揮動雙手，螢幕上嘅聖誕禮物就會跟隨你嘅動作移動！另一邊仲冇雪橇同大鐘俾大家打卡影相；聖誕樹下仲有徐徐移動嘅玩具車繞圈，超有聖誕氣氛啊！
私心講一句，呢度仲有小編大愛嘅雪奈之茶同深圳唯一一間粉紅色主題嘅喜茶，仲有女仔最愛嘅文青Cafe同啱曬食肉獸嘅Juicy漢堡，就咁計食同行街，小編都大推薦大家上去玩啊！
Light Up Your Golden Moment
地址：深圳市南山區深南大道與沙河西路交界處
交通方式：地鐵1號線高新園站A出口
