聖誕節將至，除咗香港好有節日氣息之外，深圳各大商家都開始咗聖誕季，規模都頗大，絕對值得一去架！今次帶大家嚟到深圳來福廣場，同大家分享一個暖心嘅「來福士號夢幻列車」聖誕。
作為凱德集團華南區亮燈儀式主場，深圳來福士廣場嘅聖誕亮燈活動以「來福士號夢幻列車之旅」為主題，場內設有1:1原大嘅金色蒸汽大火車頭、站台、駛向天際嘅軌道同小火車等主題裝置，成個場地金光閃閃，仲好有歐洲復古Feel。除咗中庭嘅裝飾，廣場出面都有金光閃閃嘅聖誕裝置，成個深圳來福士廣場成為聖誕自拍聖地。
另外，大家仲可以喺星願卡片上面寫低聖誕願望，投入站台郵筒，有幾會獲得聖誕禮物架！
於「來福士號列車夢幻之旅」活動期間，將會有花藝快閃店、Enjoy X 來福士聯名嘅聖誕限量禮、夢幻列車美食套票、黑科技嘉年華等一系列精彩活動。喺12月24日，深圳來福士廣場仲會舉行更為盛大嘅聖誕列車音樂派對，聖誕節未諗去邊可以考慮過嚟玩啦！
「來福士號列車夢幻之旅」
日期：即日起至12月25日
地點：深圳來福士廣場
Tags: Homita小出走
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
