鯛魚燒與刨冰也是有名的日式甜品，雖然近年花樣愈來愈多，鯛魚燒雪糕、雜錦刨冰等等在香港也能吃到，相比之下「基本款」似乎冇乜新意。不過唔搞咁多花臣，要以「基本款」吸引食客就極考師傅功夫，東京鯛魚燒百年老店浪花家就憑懷舊風味一路經營至今，想試試明治時期至今代代相傳的鯛魚燒滋味，就一定要來浪花家！

鯛魚燒 – 牌鯛魚燒的紅豆蓉甜而不膩，沒有顆粒的軟綿口感配搭香脆極薄外皮，趁熱食味道最正，不過亦有禮盒裝可以選擇，帶返屋企同屋企人一齊食都好好食㗎。

至於今次到訪的大阪浪花家，其實是總本店的分支，師傅村上先生首次嘗到浪花家鯛魚燒便被浪花家的紅豆餡迷倒，自薦成為浪花家弟子整整五次，被拒四次後終於成功，經過五年修行後終於出師，而家關西都可以食到浪花家真傳鯛魚燒同刨冰嘅味道喇！

大大份紅豆餡擺入燒模，睇到已經知落足料，好想快啲食到！

店內有和式蒲團坐位，矮桌仲係鯛魚燒圖案，打卡一定要影埋張枱呀！

宇治金時刨冰 – 炎炎夏日就算是鯛魚燒也會滯銷，頂替的冰品卻意外爆紅，現在則是期間限定推出，紅豆不用說，就連淋面的糖漿也是自家製，刨冰細緻綿密、入口即溶，宇治丸久小山園抹茶清新茶甘×蜜紅豆甜味的味道平衡恰到好處，夏天來一碗解渴非常。

天然鯛魚燒 大阪浪花家（天然たいやき 大阪浪花家）
大阪市北區中崎 1-9-21
電話： 06-6371-1877
營業時間：11:00am-8:00pm
定休日：不定休
交通：大阪市營地下鐵中崎町站徒步約1分鐘
網頁：https://www.facebook.com/naniwaya.osaka/