「噢，聖誕樹，托它歸家，放喺廳度閃閃下～」聖誕節就到啦！其實除左可以日日出街狂歡，有時留係家中好好休息或者邀請成班friend黎屋企開Party都係個唔錯嘅選擇。咁高興嘅大日子，家裏又點可以少左啲節日氣氛嘅擺設呢？而家就等一向熱愛佈置嘅小編為你地精心挑選出3間家品店好物，等你地可以輕輕鬆鬆同家人打造暖意濃濃的幸福氣息!

ZARA Home AW/17

若有心想係屋企營造聖誕氣氛的話，聖誕大餐除左要準備美味嘅食物之外，當然唔少得餐桌佈置。為左迎合大家的喜好，Zara Home 推出了一系列以聖誕為主題的「Christmas Edit 」時尚餐桌用品，，絕對會令你的家裡充滿佳節氛圍。

All Red Holidays

紅色作為聖誕的專屬顏色，將錦緞圖案和聖誕圖案完美地混合，敲響聖誕的前奏。

Gold & Blue

以耀眼的金色揉合寶藍色調，一定能於聖誕中綻放出高雅典雅的氛圍。

Gold & Silver

閃爍的金銀色配以星形、雪花和水滴形狀為主的吊飾，平衡了裝飾的細節，就算沒有紅色和綠色也能感受到濃厚的聖誕氣氛。

H&M Home AW/17

H&M Home一向定位在年青人群，以實惠價格提供兼具時尚與品質嘅家居用品。而今年H&M Home嘅聖誕系列「Magical Holiday」，就推出左一系列以紅、綠、金、銀色調為主嘅裝飾品，瞬間令你嘅客廳得黎質感。

Magical Holiday

紅色同綠色絕對係聖誕節嘅perfect match！從毛毯到廚具，每一個小細節都可以令你感受到節日嘅歡樂氛圍。

A Dazzling Dinner

除此之外，H&M Home亦照顧到一班較為成熟型格嘅年青人品味，以黑色襯托出耀眼的金銀色，為聖誕帶黎時尚嘅感覺。

Franc Franc AW/17

今年為左迎接邁向25週年嘅家居品牌Franc Franc 成年都以Voyage航程做主題，每個月推出一系列以唔同城市作主題嘅產品。而十二月，Franc Franc 就推出「Maison Christmas」系列，以時尚之都巴黎作靈感。

相比起ZARA同H&M，Franc Franc比較注重設計聖誕樹上嘅裝飾物，包括有聖誕老人，雪人波波，仙子同用木藤枝製作嘅圖案。提提大家，由即日起到年末前，Franc Franc將推出低至半價嘅聖誕裝飾，當中最平$35蚊就有交易㖭，要買就趁手啦！

睇完以上3款品牌推出嘅聖誕系列家品，唔知你地係咪心思思想係屋企嘅每一個角落都留低聖誕嘅痕跡呢？快啲約埋班friend一齊去大掃貨同留言俾小編知你唸住點佈置啦！

source: ZARA Home, H&M Home, Franc Franc