今年係 2019 年，講起韓國電影，希望你唔係仲停留喺《屍殺列車》、《與神同行》、《韓流怪嚇》之流啦～ 唔係話佢地唔好睇，但係韓國戲又點只得喪屍鬼怪呢？ 

近日上畫嘅《炸雞特攻隊》大破香港上映嘅韓國電影票房紀錄，雖然主角們都唔算靚仔，但好笑之餘，不少觀眾都大讚「港產味濃」，證實韓國除咗劇集好睇之外，近年出品嘅電影都分分鐘可以「超英趕美」架！就連今日開鑼嘅第 43 屆香港國際電影節，都要呈獻「韓國電影一百年」專輯，向韓國電影致敬啊！

其實，Netflix 除咗熱播韓劇《陽光先生》、《李屍朝鮮》、《羅曼史是別冊附錄》……（數唔哂）之外，仲有好多元化嘅原創電影架，以下介紹番 6 套不同主題嘅作品，去片～

#Netflix 原創《麻藥王》

今時今日，只要「Made in Korea」就係好嘢，但原來 70 年代都係？《麻藥王》講述「國民影帝」宋康昊飾演的李頭森本來只是幫黑道往來日韓走私帶貨的中間人，後慘遭出賣而入獄受虐，要妻子四出奔走行賄才逃出生天。

痛定思痛的李頭森出獄後決定不再做卒仔，要做毒王！不再靠人的他學識製毒，一躍成為 70 年代的冰毒之王，更是愛國商人，由向日本買毒品，發跡至賣冰至日本，過著夜晚賣白粉、日頭做慈善的雙面生活。雖然白手興家係好勵志，但賣毒品咁陰質，他又是否可以安享晚年？

#Netflix 原創《上流社會》

想一步步走上成功，梗係要苦幹；但想即刻成功，當然係要靠父幹！可惜，呢個世界窮人太多，富爸爸冇咁多個。為咗上位為咗錢，你願意付出咩代價？睇吓《上流社會》呢對利慾薰心嘅夫婦可以有幾衰格，電影由朴海日、 秀愛主演，香港人可能唔熟，但兩位都係韓國青龍獎影帝影后級人馬，演技備受肯定！

吳秀妍（秀愛 飾）是受財閥資助的藝廊副館長，她的丈夫張泰俊（朴海日 飾）是有名望的經濟學教授，野心勃勃準備進軍政壇。為了躋身《上流社會》的兩人，多年來一直不擇手段踩界行事，卻在丈夫即將勝出選舉之際，過去的檯底交易曝光……多年來的努力即將付諸流水，不甘心的兩公婆可以如何釜底抽薪？

#Netflix 原創 《復仇島》

講起武打巨星，香港代表有劉家輝；祖國有李連杰；泰國有 Tony Jaa，咁韓國呢？韓國有布魯斯汗（Bruce Khan）！唔識佢？唔緊要，睇完 Netflix 原創武打動作片 《復仇島》你就識架喇！

一名前警探（布魯斯汗　飾）潛入一座專門關押殘暴死囚的偏遠監獄島，執意為遭殺害的家人復仇……點解劇情咁似《不赦島》？你以為啦！故事發展明快俐落，就是為復仇而打打打，對白唔之餘，搏擊動作同節奏亦快狠準，拳拳到肉；唔似大台啲劇咁，壞人開槍前硬係講番個 speech 先安樂，搞到最後俾人殺番喇，你話係咪廢先？

#Netflix 原創《念力》

任你揀一種超能力！你會想要咩？由韓國知名導演延尚昊打造，繼《屍殺列車》後最新力作。無論是驚慄動作片，還是黑色喜劇，都能抓住觀眾眼球，更能讓人嘴角失守，用韓式笑點征服每一個螢幕！

《念力》講述一名父親意外獲得念力，和無與倫比的力量，當與自己關係疏離的女兒身陷險境時，他決定出面拯救，過程趣味橫生。當中有哪些精彩的念力畫面不能錯過呢？

#Netflix 原創《鋼鐵雨》

憑本片《鋼鐵雨》奪得春史電影節最佳男主角的鄭雨盛，外表由頭型到落腳，攞埋獎更加證明自己唔靠樣，而係靠演技搵食。牽涉的國家甚廣，橫跨中日美朝鮮多個國家，被人稱為拍得住荷里活水準的大型間諜電影。

《鋼鐵雨》改編自同名網絡漫畫，故事講述一場政變中，飾演北韓特務的鄭雨盛與負傷的國家領袖一起逃往南方，試圖讓領袖活下來並阻止一場韓國戰爭。戲中海陸空齊齊上陣，真實的戰鬥方式，當然唔少得振撼的視覺轟炸。

#Netflix 原創《人狼》

《人狼》改編自沖浦啓之執導的 2000 年日本動畫電影《人狼 JIN-ROH》，韓國版由《密探》導演金知雲執導，同由鄭雨盛主演，仲有姜棟元、韓孝周。到底係披著人皮的狼定係披著狼皮的人呢？一連串組織之間的遊擊戰，明爭暗鬥下究竟誰是誰非？

故事設定於十年後的今日：2029 年，韓國警方組成的精銳部隊《人狼》大戰反對南北韓統一的恐怖組織「Sect」。然而，另一組敵軍或許也在附近虎視眈眈。鄭雨盛作為部隊「人狼」的隊長，要如何帶領團隊殺出重圍？