不經不覺,夏天就快到啦,好快就會換上短袖衣褲,大家有無做好準備開始瘦身呢?假如平日工作太忙,抽唔出時間無間斷做運動嘅話,不妨試下呢一套嚟自日本嘅瘦身操呀!只要短短一星期就有效果,仲可以隨時隨地進行。
#伸展手臂
舉高右手向背後後彎曲,左手由下至上從腰側彎曲上去,直至兩手交握,然後換邊再重覆一次。呢個動作可以令手臂嘅三頭肌得到伸展,並能夠收緊肩胛骨位置,達到伸展手臂、塑造背型嘅效果。
#蛙式動作
好似游蛙式咁樣,向上及向身邊兩側划動手臂,兩個動作分別每日做3次,每次做5set。呢個動作可以運用到手臂及背部肌肉,減低贅肉積聚嘅機會。
#伸展腰部
雙腳腳踝貼合,以外八字姿勢站立。將雙手合十,舉高到頭頂,然後緩緩踮起雙腳,保持雙腳緊貼姿勢,拉直身體並維持動作5秒。做動作時要保持腰部平衡,並會感受到背腹被拉扯。
#臀部鍛鍊
將雙腳打開至肩膀闊度,腳趾向外。挺胸收腹後下壓身體至大腿呈水平線,膝蓋要保持向外打開狀態,之後再回到原本動作。早晚各做1組,每組做5次。
#腰腳伸展
呈「人」字型站立,左腳指向左、右腳指向前。然後打開雙手舉至水平線,面向左邊,彎曲並伸展左腳3次。回至原來動作,然後身體側彎下落,左手指向左腳腳背,而右手就指向天花板,維持三個呼吸。之後就換邊重覆一次,早晚各做一組。
Tags: Homita瘦身計
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like