日本一向都係唔少港人嘅首選旅遊景點，單單係便利店就已經令人樂而忘返！不但食品種類多樣化，更係會定期推出新商品，令人每次走入便利店都會有一種新鮮感。今個星期(12/3)日本LAWSON宣佈咗新商品登場嘅消息，一齊睇下有咩好野食啦！

シルフォン ～シルクミルクシフォン～ 
LAWSON標準價格　200円(連稅)
表面鋪滿咗入口即溶嘅軟滑忌廉，中間更特別混合北海道產嘅奶油，而下層就係超柔軟嘅雪芳蛋糕，食嘅時候就當然要令蛋糕沾上滿滿嘅忌廉啦！

もちぷよ(愛媛県産伊予柑のピューレ使用)
LAWSON標準價格　140円(連稅)
麻糬用咗愛媛縣產伊予柑嘅果汁，混合新鮮忌廉製成，清新嘅酸香氣味令人食指大動。由於係數量限定，想食就要快啲行動！另外，沖縄地域LAWSON、關東地域Natural LAWSON都係未有提供呢款甜品咖。

よもぎ香る草餅(つぶあん)
LAWSON標準價格　150円(連稅)
為咗令大家能夠一嚐清爽風味，草餅特意用上日本國產魁蒿，而內裏嘅餡料就用咗北海道產嘅紅豆，帶嚟香甜嘅味道。與上一款甜食一樣，呢款草餅都係數量限定嚟咖！

ウチカフェ　もちっと食感のマシュマロサンド　35ml 
LAWSON標準價格　165円(連稅)
即使喺冷凍嘅狀態，兩層草莓味道綿花糖仍然保留超級軟熟嘅口感，而中間就夾住極厚嘅生朱古力雪糕！喜愛食朱古力嘅話，就絕對唔可以錯過呢款三明治甜食啦。呢款亦都係數量限定商品，想試就唔可以猶豫。