每年3月係日本櫻花季，全國上下由南至北綻放一片片粉紅花海，美不勝收，櫻花盛開更被譽為世上最美嘅自然奇觀之一。今年，高踞於北京道一號頂層嘅時尚食府aqua以櫻花佈置場內各處，並推出一系列令人垂涎嘅櫻花美饌，等賓客即使身處香港亦能感受呢份浪漫嘅春日氣息。

櫻花花期好短，通常只有一個星期左右，稍縱即逝。aqua特別喺3月8日至4月18日將場地佈置成春天花園，同時精心呈獻以櫻花入饌嘅「廚師發辦」晚宴及多款早午餐佳餚，俾食客慢慢細嚐櫻花嘅滋味。

「櫻花廚師發辦晚宴」包括七道意日菜式，其中「粟米天婦羅櫻花海膽配竹筍」及「烤帶子配紅椒伴車厘子慕斯」由aqua嘅日本師傅悉心炮製，而「Fassona生牛肉薄片配醃漬車厘子」及「自家製乳清芝士意式雲吞配車厘子泡沫」就係意大利烹飪團隊嘅誠意之作。晚宴定價每位港幣1,188元，可另加港幣488元配搭清酒品嚐。享用櫻花美宴之餘，賓客亦亦可以喺餐廳各處及上層酒吧aqua spirit欣賞粉嫩迷人嘅櫻花佈置。

周末期間，aqua亦為「Because Brunch」早午餐注入櫻花元素。賓客可先享用自選水煮蛋，然後細味「吞拿魚和炙燒魷魚配鹽漬櫻花及魚子醬壽司」等適合分享的壽司刺身拼盤，至於美味主菜則有「芝麻三文魚配日本大麥和抹茶味噌」及「雜錦蔬菜和櫻花蝦粟米天婦羅」。於3月8日至4月14日逢星期六日中午12時至下午3時，惠顧早午餐嘅賓客將可欣賞櫻花季節限定節目，包括以木槌敲開清酒酒桶之日本傳統儀式「鏡開」（kagami-biraki），以及精彩嘅現場武士刀表演。早午餐定價每位港幣688元，包括一系列無限量供應嘅飲品，如星級雞尾酒、Veuve Clicquot香檳及李白峨眉山純米酒。

以上價格另收加一服務費。