一個簡單嘅擁抱動作就已經表達到唔同情緒，不論係高興時嘅忘形慶祝，或係傷心時表達慰問，都能夠一一傳達到對方心中。其實擁抱不但有助人與人之間嘅交流，動作中會促使人分泌預防疾病嘅荷爾蒙，倫敦Smart TMS 高級TMS 技師 Isabel Leming更指出，與他人擁抱可以帶嚟多達4種益處！
#告別寂寞感
喺擁抱嘅時候，腦部會產生有愛情荷爾蒙之稱嘅催產素，呢種荷爾蒙對於改善抑鬱、焦慮情緒特別有效，因為催產素可以控制情感，令人嘅腦部產生滿意、親密、信任等等嘅正面感情。
#心臟健康
催產素可以人帶嚟平穩心境，令人覺得舒服，亦可以降低有壓力荷爾蒙之稱嘅皮質醇。皮質醇能夠左右心臟健康，過高濃度就有機會誘發心臟病，而催產素正好可以將皮質醇維持於合適水平，達到預防心臟病嘅效果！
#調節情緒
擁抱嘅時候，腦部會分泌出更加份量嘅多巴胺，而多巴胺可以控制一個人嘅情緒，令人產生興奮開心嘅感覺。所以喺情緒低落時，擁抱就可以起到調節情感嘅作用，做到減低患上情緒病嘅機會。另外，擁抱時亦會令血清素分泌增加，做到振奮心情嘅效果！
#降低壓力
喺擁抱嘅作用下，催產素、血清素、多巴胺嘅分泌都會增加，而呢啲荷爾蒙能帶嚟舒適感，減低壓力。而且擁抱亦可以表達關懷情感，產生被人關心嘅窩心感覺。
Tags: Homita愛健康
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
