身邊嘅人總係話童年係一個人最快樂嘅時光，隨住年齡增加，生活中嘅重擔都會一一落喺自己身上，仿佛漸漸失去快樂嘅能力。然而喺社交嘅時候，總係要以笑面迎人，用微笑去掩飾自己嘅失落，長時間累積之下更有可能變成「微笑抑鬱症」！
《Independent》指出，近一半抑鬱症患者喺日常都係表現得開朗樂觀，令旁人無辦法輕易地睇得出佢地出現咗情緒問題。而「微笑抑鬱症」就係情緒低落時，以微笑去掩飾自己負面內心嘅行為，而呢種症狀就落入「非典型抑鬱症」嘅類別當中。一齊睇下「微笑抑鬱症」患者嘅特微啦！
#於寂靜夜上感覺分外舒暢
患者非常享受晚上嘅獨處時光，只要唔再需要進行社交活動，並且能夠獨自留喺家中，對佢地而言就已經係一件相當暢快嘅事情。患者會利用獨處時間去思考各種人生問題，甚至會喺過程中配以悲情音樂，令自己沉淪於負面情緒當中。
#對外歡樂擔當
患者喺朋友面前會表現得相當樂觀，經常被視為「開心果」。但係只要與朋友分別，就會馬上變成第二個人，思想瞬間變得負面，並且有一陣失落感湧上心頭。然而，喺朋友面前又會再次化身為開朗積極嘅「歡樂擔當」。
#對評價份外敏感
其實唔少人都會重視他人嘅評價，但患者係對評價表現得份外敏感，一句不經意嘅說話，甚至係單純嘅玩笑，都會被佢地一一認真地記於心中，久久無法釋懷。每當被他人拒絕嘅時候，患者就會馬上將所有責任攬哂上身，認為一切都係自己嘅錯。
#揾唔到傾訴對象
患者習慣將負能量藏喺自己嘅心底，由於一直都係以樂觀一面示人，即使朋友眾多，亦揾到一個合適嘅對象開口傾訴。患者自己亦有種不願示弱嘅心態，認為流露出脆弱情緒係弱者嘅行為，所以再繁重嘅心事亦唔會向他人傾訴。
Tags: Homita愛健康
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
