因為工作關係，大部分人都要長時間坐喺辦工室入面，白天忙返工，到放工又攰到唔願活動，長時間落嚟腿部循環就會變差，令到下肢變得越嚟越肥。想改善呢種情況其實好簡單，只要抽1分鐘出嚟做呢件事就得啦！
日本人氣塑身教練才原洋子提出，進行1分鐘腳踝運動有效幫助瘦腿！呢個動作係現役芭蕾舞者亦會做嘅練習，能夠一次過鍛鍊到腳底、大腿內側及腹部肌肉，從而鍛練出美腿。
第一步：坐喺地上並保持雙腳伸直，挺直身板至腰部呈90度，可以利用雙手於一旁作支撐。
第二步：將腳底貼於地面滑動，直至膝蓋彎曲，而腳尖、腳跟及膝蓋都要保持固定嘅姿勢。
第三步：腳趾保持貼地姿勢，抬起腳跟令膝蓋更加彎曲，並且向自己方向壓去。然後再由回到第二步姿勢，最後回到第一步。動作以回到第一步為完整一組，重複20至30組。
日本瘦身專家和田清香亦表示，腳踝運動可以令到腳踝變得柔軟，有利於血液循環，並且提高新陳代謝。另外，呢種運動亦可以解決小腿水腫問題，自然能夠令小腿成功瘦落嚟。
Tags: Homita瘦身計
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
