2000年至2019年推出之《幪面超人》被稱為《平成幪面超人》，係每位80和90後嘅童年回憶！經典特攝系列《幪面超人》，每年都有一位主角超人誕生，而每位主角各自有獨特嘅變身腰帶，今次PREMIUM BANDAI特別將專為成年人打造嘅變身腰帶「CSM系列」帶來香港，於2019年3月1日至3月10日於LCX舉行「平成幪面超人20週年 X CSM 展覽」，俾大家再次感受童年時變身嘅樂趣！
為紀念平成幪面超人播放第20部作品，去年於日本新宿車站公開展示20位平成幪面超人變身腰帶，引發日本粉絲嘅熱烈迴響。今次，「平成幪面超人20週年 X CSM 展覽」嚟到第三站—香港，並將於3月1日至3月10日於LCX隆重登場，將完美還原去年新宿展覽嘅盛況。今次展覽將仿照新宿車站現場，重現20位平成幪面超人的腳印踏板，等各位粉絲能真切感受到歷代幪面超人騎士嘅英雄足跡。
展覽將展出超過20款平成幪面超人系列嘅變身腰帶，部份2000年代嘅DX腰帶玩具更係唔少80-90後兒時回憶，現在已絕跡市場，珍貴非常。此外，今次展覽更將展出5條「專為成年人打造的變身腰帶」，最新商品《幪面超人劍》COMPLETE SELECTION MODIFICATION BLAYBUCKLE & BLAYROUZER將於展覽中亮相，等香港嘅幪面超人迷能先睹為快，所有CSM腰帶只於PREMIUM BANDAI官方網店獨家發售。
「平成幪面超人20週年 X CSM 展覽」
日期：2019年3月1日至3月10日
地點：LCX海港城海運大廈3階
開放時間：10:00-22:00
期間限定！現場免費下載幪面超人手機桌布
為紀念今次「平成幪面超人20週年 X CSM 展覽」香港站，大會特別製作咗20款期間限定嘅平成幪面超人手機桌布，粉絲們只需要到訪LCX 10個指定地點，尋找幪面超人嘅QR Code，就可以立即免費下載，每個地點均能下載唔同嘅幪面超人手機桌布。3月2日更有李曼瑩親臨LCX，與你一起在LCX內尋找20位平成幪面超人嘅蹤影。
「李蔓瑩陪你一齊尋找平成幪面超人@ LCX!」
日期：2019年3月2日（星期六）
時間：14:00 – 15:30
幪面超人達人分享會 X「平成幪面超人連續變身比賽」
「平成幪面超人20週年 X CSM 展覽」香港站期間，大會將於3月9日邀請香港幪面超人達人刀鋒及Douglas親臨現場，介紹20位平成幪面超人嘅歷史，示範變身及經典場面，俾在場人士一同感受CSM系列腰帶獨特嘅魅力。
此外，大會將舉辦「平成幪面超人連續變身比賽」，希望召集所有幪面超人粉絲重現哄動日本及台灣嘅連續變身活動，參加者可得到即將上映嘅《幪面超人平成Generations Forever》電影之限量紀念書刊，最佳變身者更可得到「任天堂Switch 遊戲主機連手掣」1套！
「幪面超人達人分享會 X平成幪面超人連續變身比賽」
日期：2019年3月9日（星期六）
時間：15:00 – 18:00
名額：40
