走出房門就忘記自己要做嘅事、已經專注聆聽但仍然聽唔明對方嘅說話、同一段文字讀好幾次都無法理解…相信大家都間中經歷過以上情況，但如果經常出現呢種丟三落四、反應遲鈍嘅狀況的話，就要留意係咪「腦霧」嘅現象啦！
「腦霧」現象係指幫助我地進行感知、判斷以及決策嘅大腦三原力(專注力、記憶力、思考理解力)出現問題，大腦仿如進入一片濃霧當中，無法進行正常思考。人就會因而無法集中精神，陷入迷糊狀態之中，影響日常生活。
想由「腦霧」中走出嚟，重捨思路清晰嘅頭腦的話，就可以由以下呢幾點入手！
#控制飲食
不良嘅飲食習慣會引起身體發炎，長期嘅炎症就會逐漸地演變為病痛。都市人常食嘅重口味食物、加工食品，都有機會引起「腦霧」現象。因此大家喺飲食方面要以清淡為主，戒食濃味食品。
#充足睡眠
當人體進入睡眠狀態嘅時候，腦細胞會暫時地出現萎縮現象，咁樣係為咗將細胞之間嘅空隙增大至原來嘅兩倍，令到腦脊髓液能夠更加順暢地流通，將腦中嘅廢棄物帶走。呢項「腦部代謝物清除程序」對於保持大腦健康相當重要！
#儲存「腦本」
大腦都需要刺激先可以保持靈活，所以大家要學會保持自己嘅好奇心，不斷接觸新事物，並且培養多種興趣。新鮮多變嘅生活可以活用到大腦，令記憶力得以提升，減低出現「腦霧」嘅機會。
#養成運動習慣
運動唔單只可以強化身體機能，亦都可以帶嚟平穩嘅情緒，照顧到身心。每日快走15至39分鐘就已經係既簡單，又有效嘅帶氧運動，只要大家可以養成習慣，定時活動身體就有效保謢大腦機能。
Tags: Homita愛健康
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
