總係無辦法成功脫單？想睇穿自己嘅戀愛運其實好簡單，只要問下自己嘅手袋就會知道答案！日本節目《林先生が驚く初耳学》近日提出咗一個全新嘅理論，就係手袋嘅重量會影響戀愛嘅順利程度，只要手袋越輕，戀愛就會越順利！
日本通勤總合研究所就以600名20歲至到50歲，利用電車上班嘅女性作為調查對像，研究發現有男朋友或者係已婚嘅女性嘅手袋重量，係比單身女性嘅更為輕。前者嘅手袋重量約為1783g，而後者則為3051g，兩者重量足足相差1267g。
另外，手袋較輕嘅女士比起較重者，更傾向曾於車上遇見令自己心動嘅對象，亦即係話展開戀愛嘅機會係更加高！
結論而言，手袋較輕嘅女性於戀愛上更為積極，比起較重者更懂得打開自己嘅戀愛雷達，亦因此而更加容易脫單，走入蜜運當中～所以想脫單嘅女士，不妨留意一下自己手袋嘅重量呀！
Tags: Homita私房話
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
