春天象徵住新開始，唔少人都開始咗身材管理計劃。想維持好身段就自然會份外留意糖份、卡路里等等嘅攝入量，但各位總係對甜食念念不忘、無法割捨，咁應該點算好呢？日本西洋糖果品牌「銀之葡萄」好明白大家嘅掙扎，由2月21日起特意推出令大家無顧慮地開懷享受嘅低糖份甜食！

苺のパルフェ 648円（600円）
糖份 12.0g／卡路里 268kcal
呢款凍糕係用日本國產嘅新鮮草莓製成咖，樹莓啫喱入口即溶，味道上巧妙地平衡酸澀與香甜，一食難忘！

シトラスのパルフェ 648円（600円）
糖份 18.5g／卡路里 254kcal
今次嘅主角係香橙與葡萄柚，兩種水果嘅酸香各有特色，帶嚟出彩嘅味道層次。香橙、青檸慕絲&啫喱相間疊高，製成呢款充滿爽快感嘅芭菲！

カシスショコラ 648円（600円）
糖份 15.9g／卡路里 219kcal
雲尼拿慕絲與可可海綿蛋糕疊起，頂端就以同樣為日本國產嘅草莓及白色朱古力作裝飾，成為充滿清新酸味嘅5層黑醋栗朱古力蛋糕。

另外，店鋪亦有推出正常標準口味嘅甜品，未有瘦身考慮嘅話，不妨試試下面呢三款呀！

ハニーレモン 648円（600円）
酸酸甜甜嘅啫喱係用西班牙產檸檬製成咖，而上面就有檸檬忌廉、生忌廉作交錯裝飾，望落去外型超級可愛！

プラネットショコラ 648円（600円）
甜點以星星作為主題，濃厚、入口融化嘅朱古力醬、朱古力慕絲層層相疊，層足5層後甜品散發朱古力香氣。

青いりんごのレアチーズ 680円（630円）
單係睇外型就已經知道呢款甜品係用青蘋果作主題，內裏放滿咗香甜嘅青蘋果肉，與春日嘅甜美形象相符！

販賣店：銀のぶどう 
首都圏各店 (大丸東京店・京王新宿店・西武池袋店・伊勢丹府中店・そごう横浜店・ラゾーナ川崎店)、ぶどうの木＆鎌倉座 阿佐ヶ谷店、パクとモグ小田急町田店