每當開始出現咳嗽症狀嘅時候，大家都會自覺戒甜，希望自己可以快啲好返。但點都估唔到，呢一款甜食竟然仲勁過咳藥，可以令病人更快痊癒！英國赫爾大學心血管及呼吸系統學系系主任兼教授Alyn Morice發表研究結果，指出朱古力有助舒緩咳嗽症狀。
今次嘅研究中，教授揾嚟163名有咳嗽症狀嘅病人，連續食用含有可可鹼成分嘅新藥。結果顯示，病人嘅咳嗽次數及病癥喺短短兩日內就有明顯改善，而康復所需嘅時間亦有所縮短。教授更表示，黑朱古力嘅止咳能力係最強嘅，因為當中所含嘅可可鹼份量高於其他朱古力。
可可鹼除咗有效止咳外，亦可以抑制迷走神經嘅活躍程度，可以話係治療慢性咳嗽症狀嘅關鍵！食用時，黏稠嘅朱古力會接觸喉嚨，並喺上面形成保護層，抑制咳嗽症狀，從而舒緩不適。
Tags: Homita愛健康
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
