成日都聽到食宵夜會令人發胖，係非常邪惡嘅行為，但有研究指出，原來睡前進食與變肥並無直接關係！日本岡山大學醫療科學部進行咗三年研究，結果顥示喺睡前兩小時進食並唔會影響體重，亦即係話咁多年嚟我地都錯怪宵夜啦！
日本岡山大學發表嘅報告指出，血糖水平高係令體重增加嘅原因。團隊用咗三年時間，觀察1573名嚟自西日本嘅中老年人，並揾出影響人體血糖水平嘅因素、睡前兩小時進食會否影響血糖。結果顯示，即使喺睡前兩小時進食，亦唔會對血糖嘅高低嘅影響。換一句話說，食宵夜並唔係直接令大家變胖嘅主要原因。
岡山大學更提出，大家應該更注意其他飲食或生活習慣，如吸煙、飲酒、飲食內容等，因為對比起食宵夜，呢啲因素對於人體血糖水平嘅影響更大。當然，日本與香港嘅飲食文化亦有差別，當地飲食多以蔬菜為主，宵夜同樣食得健康亦不足為奇。
雖然宵夜並唔會直接致肥，但大家都唔好放縱自己，偶爾享受一餐深夜美食就好啦！
Tags: Homita新鮮事
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
