二月都已經嚟到中段啦，你地開始咗修身大計未呢？要趕喺夏天嚟到之前減肥成功，就當然要控制飲食、勤做運動，但要持之以恆就睇自己嘅意志！想保持好身材嘅話，就要每日都堅持做呢一件事，令你可以按步就班地實行瘦身大計。
美國有研究指出，想保持身材、令體重下降的話，就必需要每日都進行「量體重」呢項活動！大部份人喺減肥嘅時候，都會為自己製定餐單及運動安排，但實際效果都係要透過數據反映出嚟。每日多花數十秒時間量體重可以令你更明白身體嘅變化，亦可以增強你對身材管理嘅警愓性，令你對於減肥大計更加上心。
研究發現每日都量體重嘅人喺維持身材上做得更佳，而且體重亦有下降嘅趨勢。正正係因為佢地睇到數字上嘅變化，所以會自行調整食量或者係運動量，從而令呢批研究對象嘅體重成功下降。
所以大家喺修身期間唔好偷懶，要保持每日都量度體重嘅習慣，觀察數字變化去調節減肥計劃啦！
Tags: Homita瘦身計
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
