入親元朗指定動作一定係食好東西,今日就同大家介紹呢間最近新開嘅滔滔甜品。呢間糖水鋪一開張就門庭若市,好多人都去食架!滔滔甜品以懷舊作主題,鋪仔細細但處處充滿舊香港嘅味道。連Menu同餐具都好有樸實懷舊feel,好正!
當然,會有咁多人去食一定因為味道好啦,今次小編試咗3款糖水,碗碗都好好味啊!
本身小編係想叫有齊10款配料嘅滔滔雜崩冷($28),點知佢地已經賣曬啦,想食就要早啲去啊!然後小編就叫咗清心丸配綠豆爽、石磨芝麻糊湯丸同木瓜雪耳燉桃膠。
清心丸配綠豆爽 $22
小編第一次食清心丸,一試成主顧啊!一粒粒透明狀、煙煙韌韌嘅清心丸浸係綠豆糖水入面,好好味口感好豐富!
石磨芝麻糊湯丸 $27
小編自己本身好喜歡芝麻湯丸,呢度嘅餡係黑芝麻,咬落口係流心嘅,好食又唔會太甜!
木瓜雪耳燉桃膠 $29
最近興起食桃膠,呢度嘅桃膠燉得好軟身,同木瓜雪耳糖水好夾,聽講桃膠可以清血降脂,加埋滋潤糖水底好岩食完油膩野過黎飲返碗,順便養顏,正!
滔滔甜品
地址:元朗康樂路8號康樂廣場地下9號舖
營業時間:15:30-01:00
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like