近期有遊日計劃的話，最關心嘅事情就莫過於櫻花會喺何時盛開。日本星巴克就特意喺2月15日至2月27日期間推出兩款「櫻花滿開」主題飲品，等大家喺咖啡店中都可以投入SAKURA季節嘅樂趣當中！

「さくらフル ミルク ラテ」(櫻花拿鐡)
Short ¥440/Tall ¥480/Grande ¥520/Venti® ¥560
呢款拿鐡以士多啤梨及櫻呢兩款人氣口味，結合奶昔製成，而表面如同花瓣般嘅朱古力裝飾都有特別巧思，淡粉果款係櫻花風味，而深粉就係士多啤梨風味。精緻造型模仿自滿開櫻花被微風吹拂，於空中飛舞嘅絕美景象，相當唯美。

「さくらフル フラペチーノ®」(櫻花星冰樂)
Tall¥580
靈感嚟自水邊映照出滿開櫻花嘅場景，透過杯側能夠見到櫻花與士多啤梨醬做出嘅漸變效果。為咗加強水面特有嘅透明感，飲品中仲加入櫻花及士多啤梨嘅啫喱，為星冰樂增加爽快食感。

除咗飲品外，星巴克亦推出櫻花相關商品，今年主題為「SAKURA“Mankai”Moments-Full blooming all around you-」，推出「凛」及「陽」櫻花系列。

第一彈「凛」由2月15日開始登場，主題意指晨光灑落花瓣時，櫻花清凛高雅嘅模樣，所以商品設計上較為素雅，散發低調魅力。

第二彈「陽」就會喺2月25日登場，主題意思係下午温暖陽光影射下，櫻花呈現出嘅可愛風貌，因此商品用色上較為明亮活潑，為大家帶嚟活力！

兩個系列合共推出39種商品，當中包括實用美觀嘅隨行杯以及保暖杯，亦有適合長時間處於冷空房時使用嘅小毛毯，仲有設計優雅淡麗嘅記事本。可以嘅話，真係想帶哂佢地返屋企呀！