朱古力你就食得多，但你又有無試過浸朱古力溫泉？係日本出名浸溫泉嘅箱根，而家有得浸朱古力溫泉啦！萬眾期待嘅「箱根小湧園ユネッサンx朱古力溫泉」，係朱古力皇國比利時嘅幫助下，終於趕得切係今個情人節比大家享受啦！

#    甜蜜滿滿：朱古力醬注入！

(google圖片)

    活動期間，每日嘅晏就1點同3點，都會有合共2次嘅「朱古力醬注入」活動。屆時將會邀請來賓注入1公升嘅朱古力醬倒入泉水稀釋，仲可以用朱古力醬係身上塗鴉。痴情於朱古力嘅你，又點可以錯過依個活動呢？

#    促進血液循環的「朱古力溫泉」

(google圖片)

    最近有研究指出：朱古力嘅成份— 可可豆同抗酸成份多酚，都對身體機能有顯著嘅幫助。浸「朱古力溫泉」，除咗可以享受全身比朱古力包圍嘅感覺外，仲有促進血液循環同保濕嘅功效，無論男士女士都適合！

#    箱根「朱古力」特產

(google圖片)

    為配合「箱根小湧園ユネッサンx朱古力溫泉」，箱根小湧園將會推出以「朱古力」作為主題嘅箱根特產，等大家將浸朱古力溫泉嘅體驗銘記於心。箱根「朱古力」特產仲特意用嚟自瑞士嘅朱古力，確保每個來賓都可以將朱古力嘅甜蜜帶返屋企！

    朱古力，除咗可以食，仲可以浸！今個情人節，同你嘅另一半感受「箱根小湧園ユネッサンx朱古力溫泉」，體驗比朱古力包圍嘅甜蜜感覺！

「箱根小湧園ユネッサンx朱古力溫泉」

日期：2019年2月2日至3月17日
地點：箱根小湧園ユネッサン 水着エリア 4樓 「緑のテラス」
費用：大人2,900円 小孩1,600円（連税）