過年期間少不免大吃大喝，諗好點消耗多出嚟嘅卡路里未呢？知道大家平時工作忙碌，都無咩時間做運動，所以小編就決定推介一款飲品俾你地，只要喺適當嘅時間段飲就會消脂力爆棚，輕鬆變成纖瘦身形。
講緊嘅消脂飲品就係綠茶啦！當中嘅咖啡因及維他命可以促進消化，而綠茶多酚更能提高新陳代謝，幫你燃燒脂肪。平日嘅新陳代謝率較為低嘅人飲綠茶後，減肥效果就更為顯着。
一日間有幾個時段都好啱飲用綠茶咖，分別係進行運動前以及用餐時。喺進行帶氧運動嘅半小時前飲用就可以增加身體嘅活動力，到開始做運動嘅時候就能夠提高燒脂效率啦！而用餐時飲用就有解膩嘅作用，減少每一餐嘅熱量攝取，當然喺口渴嘅時候亦能取代含糖飲品，解渴得嚟又可以增加飽足感，令你進一步控制食量。
但飲嘅時候都要注意唔好飲過濃嘅綠茶，亦要留意返每日嘅飲用量唔好過多呀！
Tags: Homita瘦身計
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
