近排係草莓豐收時期，亦都係櫻花盛開嘅花季，日本公司Afternoon Tea Room (アフタヌーンティー・ティールーム)當然把握呢個機會，推出一系列以草莓及櫻花為題嘅甜食，而今次限定餐目中最受注目嘅就一定係新作草莓芭菲啦！

苺とマスカルポーネのパフェ  
單叫 1,460円 連茶套餐 1,660円(連稅)
販賣時期：3月5日（二）～4月24日（三）
呢款芭菲以草莓配搭鮮馬斯卡彭芝士忌廉，而內裏配料豐富，包括草莓口味雪糕以及樹莓製成嘅意式雪糕。另外，醬料方面就用咗草莓醬，同埋充滿洋甘菊風味嘅香橙醬，再加上脆皮餡餅，就成為呢款清新嘅春日限定芭菲啦！

苺づくしスペシャル 苺とマスカルポーネのブーケパフェ
單叫1,760円 連茶套餐 1,960円(連稅)
販賣時期：3月28日（四）～4月24日（三）每日下午二時開始
芭菲以草莓造成嘅花束作為形象，而製作出嚟嘅限定特別版，所以上面堆滿士多啤梨，多到滿瀉！內裏配料同口味都同上面果款相同，但就另外再附上草莓奶昔醬，令你享受多重草莓滋味。

桜とあずきのカプチーノチャイ
890円(連稅)
喺下午餐嘅選擇中，茶布奇諾一向好受歡迎！今次就加入味道相配嘅紅豆以及櫻花，製成呢一款春日感十足嘅茶布奇諾，品嚐時櫻花香氣濃郁~

桜あんクリームチーズ
216円(連稅)
販賣時期：3月5日（二）～4月24日（三）
呢款小食嘅麵粉特別用咗櫻花顏色，包住加入櫻葉嘅白色奶油芝士，再燒製成花形嘅餡餅。外形猶如一朵朵盛開嘅櫻花，引發少女心！