迎嚟草莓收成嘅季節，日本方面推出嘅草莓商品可以話係五花八門呀！當地公司Diamond Dining營運緊嘅餐廳「夢幻國度的愛麗絲」就推出咗「士多啤梨市集」，款款甜點飲品嘅造型都好夢幻可愛，滿滿嘅粉色造型啱哂女士們約埋閨蜜一齊去打卡。今次嘅士多啤梨系列一共有3種飲品及4種甜品，小編就精選咗4 款介紹俾大家！

Strawberry Drink

夢見るアリスのふわもこソーダ　820円
呢款士多啤梨梳打酸酸甜甜，帶嚟開胃嘅感覺，亦象徵派對嘅開始。杯面綴以奶油，而中間竟然係杯子蛋糕！意想不到嘅組合就如同愛麗絲嘅世界一樣奇幻迷離~

チェシャ猫のにやにやストロベリー　980円
呢款雞尾酒一直都享有高人氣，喺呢個夢幻國度極受歡迎。今次佢就以季節嘅特別版本登場，香濃嘅士多啤梨朱古力奶上放上甜美嘅士多啤梨雪糕，令草莓控一次滿足兩個願望！

Strawberry Dessert

いちごのマッドハッタ― 980円
呢款甜點以瘋帽子為主角，濃厚嘅熔岩巧克力蛋糕製成帽子形狀蓋住玻璃瓶。而中間放住嘅就係士多啤梨雪糕，味道甜酸得宜！因為入面加咗穀麥，所以食起嚟口感豐富、香脆。

ピスタチオ・フレーズ　880円
愛麗絲國度中又點少得笑面貓呢？甜品表面印上笑面貓嘅足印，喺側跟嘅玻璃位置望入去就會見到用作底層嘅士多啤梨啫喱，中層就係被綠色嘅開心果慕絲覆蓋嘅士多啤梨，而最上層就係士多啤梨慕絲啦！鮮明配色相當有笑面貓嘅風格~

呢個士多啤梨主題嘅期間限定由2019年2月1日(五)至3月17日(日)間展間，既喜愛愛麗絲世界觀，又熱愛士多啤梨嘅你千祈唔好錯過啦！

幻想の国のアリス
地點：大阪府大阪市北区芝田1-8-1 D.D.HOUSE1F(お伽噺WEST)
前往方法：阪急線梅田駅 徒歩1分
TEL：06-6372-1860
URL：https://www.dd-holdings.jp//shops/alice/gensoumeda