減肥餐單中經常可以見到番茄嘅身影，佢地含有豐富營養，大量嘅維他命C可以維持身體健康，而茄紅素就能夠吸收多餘嘅脂肪。最重要嘅就係，番茄入面嘅檸檬酸可以幫忙代謝糖份，以免脂肪積聚。而且番茄水份多，帶嚟飽足感，啱哂要節食嘅人。
其實番茄嘅減肥功效要喺特定嘅時間先至會發揮到極致，一齊睇下係邊個時間段啦！
想有最理想嘅瘦身效果的話，就要喺夜晚食番茄啦！因為晚上食番茄可以促進生長激素喺晚上十點至淩晨兩點期間大量分泌。呢種激素可以提高新陳代謝，從而促進脂肪燃燒，仲可以助身體排毒。
所以大家可以喺晚餐加入番茄料理，例如番茄炒蛋就係一道人見人愛嘅家常菜。怕麻煩嘅話亦可以整成沙律，又或者係榨汁飲用。
假如半夜肚餓，亦可以將番茄當作宵夜，既健康又可以幫助減肥，食咗都無罪惡感呀！
Tags: Homita瘦身計
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
