愛食甜品嘅你又係時候出動啦！日本便利店LAWSON嘅自家甜點品牌Uchi Cafe時不時都會推出新品，最近品牌開始發售四款甜食，包括蛋糕、忌廉塔等等種類各異嘅甜品，保證滿足到大家嘅喜好。

濃栗モンブラン (法式栗子蛋糕)
LAWSON標準價格　295円(連稅)
蛋糕用咗法國產栗子製成嘅栗子醬，味道濃厚而豐富。栗子皮喺蒸過之後，散發出原始栗香，再加入吉士慕絲更係將粟子嘅魅力表現得淋漓盡致！注意返沖縄地域嘅LAWSON係買唔到呢款商品咖。

紅茶のクリームタルト(紅茶忌廉塔)
LAWSON標準價格　195円(連稅)
呢款紅茶塔以奶茶作為印象製作，塔上加咗大量紅茶忌廉，唔好以為得忌廉就會好單調呀，因為店家特別以唔同嘅紅茶濃度製成兩款忌廉，令甜點更添豐富茶香。由於有數量限定，所以賣完就無咖啦！另外，關東地域嘅NATURAL LAWSON係無賣呢款甜點咖。

生チョコミルクレープ　2個入り (生朱古力千層蛋糕 2件)
LAWSON標準價格　395円(連稅)
呢款千層蛋糕共有12層，可可薄餅皮層間塗滿咗加入生朱古力嘅朱古力忌廉，而最低層就加入咗朱古力碎製成嘅脆餅底，表面就塗滿朱古力糖霜，望落極光澤，引人注目。注意返沖縄地域嘅LAWSON無販賣呢款商品咖。

ウチカフェ　贅沢チョコバーチョコミント　70ml  (朱古力薄荷棒)
LAWSON標準價格　185円(連稅)
法國產嘅朱古力帶有香濃可可香味，而新鮮採摘嘅胡椒薄荷就帶嚟清新感覺。喜愛朱古力同薄荷呢個經典配搭嘅人，就一定要試下啦！呢款甜點同樣係有數量限制，想試就要快啲去啦。