每次去日本，小編都一定會去當地便利店搵嘢食，中華冷麵、泡芙、布甸、飯糰都係必食嘅！今日想講嘅就係另一樣便利店必買嘅食物，就係呢個宇治抹茶冰啦！！
一打開蓋就見到，超多超豪華配料，日本出品嘅食味真係令人幸福到暈！刨冰上有抹茶雪糕、蕨餅、超大粒的嘅納言紅豆，係一個充滿日本傳統風味嘅冰品，去日本點可以唔食啊？
呢個滿分搭配嘅平衡感，清爽嘅細冰、溫柔嘅雪糕同一粒粒超大紅豆同仲有白玉湯圓同蕨餅作點綴，一整個就係日本口味豪華大集合！
食到一半仲會見到中間有黑糖蜜湧出黎，為抹茶刨冰加一點甜味。就算食曬啲配料都唔會單調，冰凍嘅抹茶帶有少少茶澀味，加上黑糖蜜微焦的味道，等你嘅舌尖帶你回到初戀那個夏天吧！
售賣地點：日本全線7-11
價錢：323円
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
