有啲女仔明明身材纖瘦，但就擁有一張包包臉，俾人一種微胖嘅印象。其實呢種面型好大機會係由水腫引致嘅，只要注意返飲食以及生活習慣就會有所改善。以下呢四種就係解決面部水腫問題嘅好方法，用過就可以令V面再現！
#食消水腫食物
部分食物具有去水腫嘅功效，包括薏仁水、赤小豆以及生薑等。如果要用薏仁的話，就要注意返自己嘅身體狀況，體質虛寒嘅人以及經期間嘅女士都唔適宜飲用咖。
#飲食以清淡為主
重口味食物間唔中食下就好啦，因為含大量調味嘅食物好易會令水份積喺身體當中，無法排出就自然會造成面部浮腫。所以平日飲食都係清淡啲較好，同時亦要避免飲酒。
#多飲水
唔好以為唔飲水就可以避免水腫，因為缺水都係成因之一，呢種情況會令身體嘅鹽分難以排出，引發水腫。所以每日都要補充足夠水份，令身體可以透過新陳代謝帶走多餘嘅鹽分。
#面部按摩
淋巴不通亦都會引致水腫，想促進淋巴循環就進行面部按摩，只要持續進行就可以令淋巴保持暢通狀態，面部浮腫嘅問題就自然可以迎刃而解啦！
Tags: Homita瘦身計
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
