好老實講，返工之後小編真係肥左好多，以至於個個損友見親面就話我點解又肥左。阿媽就成日叫我多做運動，話我頸椎、腰椎、膝頭哥廿年後一定用唔到嘅了。雖然聽上去好似危言聳聽，但，今次，我信！
前幾日，小編就見到日本有咁樣一個新發明，簡直就係久坐辦公室嘅我哋必備神器！
All photo via kokuyo-furniture
點解，廣告中個女人點解咁開心？因為，呢張凳可以自動搖動，使用者只需要坐係度就可以達到運動嘅效果！原來佢就係日本辦公室用品公司KOKUYO最近公佈了新產品「ing」。
「ing」中間嘅軸心係可以360度旋轉嘅，使用者可以隨意喺上面伸展，譬如骨盆運動，或者腰部伸展，或者踢下腿、伸下腳，重點係呢啲全部都可以係做嘢嘅時候同時間做！
當然，小編私心覺得諗巧嘅時候做就最好啦！
而且呢張經過左特殊設計嘅凳，符合人體工程學原理，仲可以幫你維持正確嘅坐姿，椅墊仲可以均勻分配身體的壓力，坐上去更舒適。
官網就話仲可以讓人腦更加靈活，諗野更加快，諗到嘅巧就更加多。（小編想保留對呢條嘅信任同埋評價，真定假，試過先知。）
咪要再講，小編已經打好報告向老闆申請換凳了！
Tags: Homita新鮮事
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
