要瘦身成功，控制飲食就係不可缺少嘅一環。戒食澱粉就係其中一條受人追捧嘅法則，但係無飯落肚又會引起飽足感不足嘅問題，令呢條減肥之路行得份外痛苦。外國最近就興起「花椰菜飯」，意思係將白花椰菜切碎食用，盛於碗中嘅模樣就好似一碗飯咁。最重要嘅係，呢一碗「花椰菜飯」可以帶嚟滿滿嘅飽足感！
台灣營養師趙函穎指出，白花椰菜飯嘅熱量以及含醣量都只係有白飯嘅六份之一。佢建議大家喺中午維持正常飲食，只要喺晚上改為食白花椰菜飯，再搭配充足嘅水分攝取，就可以有亮麗嘅減肥成果。
由於白花椰菜飯當中嘅纖維量就係白飯嘅三倍，呢種飲食除咗可以幫助瘦身之外，亦可以改善便秘情況，啱哂平日多菜少肉嘅都市人。
花椰菜飯嘅做法亦都好簡單，先將洗淨嘅白花椰菜用刀切咗最上頂嘅花蕾，再將佢揉碎成米粒大細，又或者用搾汁機攪碎花椰菜亦都可以。煮嘅時候先喺鍋中加入少量油，各位可以按個人喜好加入紅蘿蔔丁，青豆或雞肉等嘅配料拌炒，之後再加入花椰菜米翻炒至熟透。最後做簡單調味就可以啦！
Tags: Homita瘦身計
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
