新年假將至，應該唔少人會去日本賞櫻，每年日本櫻花都會從南端嘅沖繩一路向北開往北海道，近年由於天氣異常，花期變得難以預測，早係月頭沖繩宮古島已宣布櫻花開花，較舊年早開16日，但最佳觀賞期會係在1月中下旬後，而靜岡河津櫻都公布今年花季將從2月10日開始。
影響櫻花花期嘅主因就係氣溫，溫度愈高就會愈早開。根據日本氣象協會報導，宮古島地方氣象台已經於1月7日宣布區內嘅寒緋櫻開花，開花日期較往年平均早9日，同上年比則係足足早咗16日；寒緋櫻係沖繩櫻花主要品種，花色較為桃紅，花朵則是呈吊鐘型向下開。
此外，根據河津町觀光協會公布嘅資訊，今年河津櫻祭典將從2月10日起到3月10日，大家要把握機會，去變身成為粉紅櫻花下嘅網美啦！
All photo via 河津町觀光協會
Tags: Homita去旅行
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
