「太太，可唔可以叫你個小朋友坐定唔好周圍走呀？我同啲拎住啲野又重又熱，整傷小朋友就唔好啦！」依句，係小編以前返餐廳嗰陣，最想同班家長講嘅一句。記得以前放工同同事傾計都會講起班坐唔定嘅細路，甚至有同事形容班細路係玩緊真人版跑online！小朋友活潑好動，坐唔定係好正常嘅事，但佢哋咁樣玩法，分分鐘整親人又整親自己。今日，Donut Café就幫各位侍應同家長解決咗小朋友坐唔定嘅問題。
# 全港首間玩樂餐廳
(Donut Café 玩樂設施)
由Donut Village「美食區域」主打嘅一站式親子餐廳「Donut Café」係一間可以邊食邊玩嘅餐廳。Donut Café將超大型太空飛船造型嘅多元玩樂設施融合係餐廳入面，令精力十足嘅小朋友可以係用餐前後係飛船之間穿梭,而年紀較小嘅小朋友亦可以係飛船下面嘅幼兒專區同迷你超級市場探索玩樂。透過小朋友專用嘅玩樂設施，家長放心班小朋友去玩，班侍應送餐又送得安心，咁一舉兩得嘅做法，小編真係唔可以唔寫個「服」字比佢！
# 邊食邊玩 豐富小知識
(菠蘿豬仔骨)
(壽司農場)
除咗「玩」之外，嚟Donut Café仲可以邊食邊學！Donut Café嘅大廚為咗滿足一眾大人同小朋友,特意搜羅優質食材,包括使用近年於外國引起廣泛討論的創新食材 IMPOSSIBLE Meat,設計出一系列健康有「營」又別具風味嘅美食,希望以創意和廚藝 為一家大細送上吸引力十足的美食。而Donut Café嘅餐牌，特別以營養作分類，令家長同小朋友都「揀得安心，食得放心」。而餐牌上面更加有食物小知識，等各位小朋友可以邊學邊食，豐富自己嘅小知識！
# 打卡熱點
(香蕉驚喜)
(Donut milkshake)
Donut Café無論食物同裝潢都充滿「打卡」位。成間餐廳以接近 1:1 嘅黃色巴士為設計靈感,為一家大細送上精緻甜品同特色飲品。小朋友可以係極具歐美卡通色彩嘅黃色巴士購買以冬甩為主題的雪榚、 pancake、曲奇及特飲，包括：酸甜幼滑嘅「芒果奶昔」同色彩繽紛嘅「 奧利奧脆脆配彩虹脆脆圈」等「打卡 able」嘅美食，為「Family Time」加添更多色彩!
# 親子廁所
(Donut Café 店內裝潢)
Donut Café作為全港首間一站式親子餐廳,配套亦都非常貼心!餐廳入`面設有親子洗手間,等人位爸爸媽媽可以隨時照顧小朋友嘅一切所需。餐廳入面亦同時設有設備齊全嘅獨立哺乳室,等各位媽咪可以安心餵哺佢哋嘅小朋友，感受真正嘅「Family Time」
開講都有話「寓學習於娛樂」，Donut Café提供一個可以邊食邊玩邊學嘅珍貴體驗，仲嚴選健康、有「營」食材，令大家食得放心。佢獨特嘅「打卡able」設計，更加豐富「Family Time」嘅色彩。
Donut Café
地址: 荃灣青山公路荃灣段 398 號 D・PARK 愉景新城 L1 Donut Village
時間: 上午 11 時至晚上 9 時
