Jack-o’-lantern即係南瓜燈，係由愛爾蘭傳入嘅。

傳說愛爾蘭有一個名叫 Stingy Jack 嘅男子，有一日邀請惡魔飲酒，但飲完冇錢找數，佢就說服惡魔變成六便士黎找酒錢，不過Jack並冇拎佢黎俾錢，反而用一條銀紙鎮住惡魔，唔俾佢出黎。

後來惡魔答應Jack一整年都唔嚇佢，jack先放惡魔出來。第二年萬聖節惡魔又出現，佢又答應唔會黎騷擾Jack一年，但係一年都未過完，Jack就死左啦。死後，天堂唔收佢，因為佢非常吝嗇；地獄都唔留佢，因為他戲弄惡魔。無處可歸嘅佢，最後只好不停咁遊蕩，並提住白蘿蔔，裏面放咗惡魔俾佢嘅炭火以照亮路面，搵一個地方休息。後來愛爾蘭人就用馬鈴薯或大頭菜做成燈籠，係1840年代隨着新移民來到美洲大陸，他們發現比白蘿蔔更好嘅材料，就係南瓜；因此現在所見到嘅傑克燈通常都是南瓜做嘅。

其實整南瓜燈好簡單，材料如下：

• 刀 一把
• 南瓜 一個
• 筆 一枝(小編係用Marker)
• 鐵匙羹 一隻
• 大頭針 一粒
• 扁蠟燭 一個
• 大碗 一個

步驟：

首先洗乾淨南瓜，抹乾。

用筆係南瓜頂畫一個圓形，大概放得落個拳頭咁大就得。

用刀界出圓形，注意要打鈄插入，會比較好界。

頂部切薄保留。

挖出南瓜肉及籽。

係南瓜表面畫上五官。

用大頭針沿線篤窿，之後用刀雕通。

放入扁蠟燭，點火，蓋頂，完成！

淨返嘅南瓜肉唔好浪費，可以用黎整美味嘅南瓜批，點住南瓜燈食南瓜批，好有節日氣氛啊！