豬年大吉行好運！皇室堡預告：今個農曆新年，世界著名兒童故事書作家Mo Willems筆下、紅遍世界各地嘅兒童繪本《Elephant & Piggie》中一對好朋友Elephant Gerald及小豬Piggie將由故事書中跳出來，首次襲港嚟到皇室堡！

皇室堡地下中庭將由1月13日至2月24日期間，打造全港首個《Elephant & Piggie》新春遊樂園主題裝置 — 【皇室堡 x Elephant & Piggie童趣新春樂園】，屆時逾3米高嘅巨型鴻運毛毛大豬頭將進駐商場，大家可以盡情摸摸大頭Piggie預祝豬年行好運！場內更設有經典書中對話框，教小朋友們多個新年祝賀語句，俾小朋友們喺拜年時讓長輩笑逐顏開！

今個新春，皇室堡將變身為大小朋友至愛嘅遊樂園，兩位主角Elephant Gerald及Piggie早前已到香港兩大特色公園實地取經，看看有啲咩大小朋友喜愛嘅遊樂設施可以參考！

第一站
Elephant Gerald及Piggie去到港島區歷史最悠久嘅銅鑼灣維多利亞公園，一進入公園已被「小隧道」吸引，Piggie急不及待擺出可愛姿勢。佢地見到好多小朋友穿嚟穿去，玩得好開心，決定亦都要皇室堡增添一個。

第二站
Elephant Gerald及Piggie仲喺銅鑼灣維多利亞公園另一邊發現咗呢個巨大拱形嘅遊樂設施，同「小隧道」放埋一齊，俾小朋友任意穿插嘅話，佢地一定會喜歡!

第三站
Elephant Gerald及Piggie嚟到設有多款經典兒童遊樂設施嘅將軍澳寶康公園，當中包括大朋友嘅童年回憶「彩色跳飛機」，仲有小朋友放電一流嘅「巨型攀爬架」，全部都好好玩呢！

第四站
當然不可缺少嘅「轉轉過三關」遊戲，雖看似簡單，但Elephant Gerald及Piggie都覺得可訓練急智，樂在其中！

遊歷咗兩個別具特色嘅兒童遊樂公園後，Elephant Gerald及Piggie表示已經充滿靈感，今個新春將會喺皇室堡為大家歡樂呈獻【皇室堡 x Elephant & Piggie童趣新春樂園】六大打卡位。

Mark實日子與兩位至萌主角見面：Elephant & Piggie新春限定見面會
兩位至萌主角將於1月19及26日驚喜現身皇室堡， 與大家抱抱影相留念！各大小朋友們記得帶備Piggie至愛嘅大桔，同佢地拜年見面沾沾旺氣。只需即場下載皇室堡手機APP，便可以同Elephant Gerald & Piggie歡樂合照！

Elephant & Piggie 「豬」籠入水利是封率先預覽

可愛嘅Piggie更會入鄉隨俗特意穿上新年傳統服裝，帶領大家相約親朋好友四出拜年，咁應節嘅利是封，無論派定係收都一樣開心。由1月12日至２月４日，喺場內消費滿指定金額或WINDSOR CLUB會員憑指定積分，即可免費換領！

【皇室堡 x Elephant & Piggie童趣新春樂園】開放詳情：
日期：1月13日至2月24日
時間：上午10時至晚上10時#
地點：皇室堡地下中庭

Elephant & Piggie見面會詳情：
日期：1月19日及26日（星期六）
時間：下午2時及3時（每場20分鐘）#
地點：皇室堡地下中庭

Elephant & Piggie 「豬」籠入水利是封換領詳情：
日期：1月12日至2月4日
時間：中午12時至晚上10時  (逾時無效) 
地點：皇室堡地下顧客服務中心
換領方法：於場內任何商戶以電子貨幣即日消費滿HK$500*或WINDSOR CLUB會員憑1,000積分+，即可免費換領「Elephant & Piggie 「豬」籠入水利是封」2套！
名額：共1,080份 (消費換領共900份；積分換領共180份) 
(每日名額有限，先到先得，換完即止)

*於皇室堡任何商戶以電子貨幣(信用卡/易辦事/八達通/手機支付)消費，憑最多2張不同商戶之即日機印單據(每張金額必須滿HK$100)，連同相符之電子貨幣付款存根
+詳情請參閱WINDSOR CLUB條款及細則
#實際活動時間或因配合其他活動而延遲，請留意場內告示或於顧客服務中心查詢。