一年之計在於春，剛踏入新年不久，等小編同大家定5個新年目標，好讓姐妹們一整年都可以活得充實又快樂。
一、早睡早起
想喺新一年日日美麗動人又健康冇病痛？請為自己定一個訓覺時間，12點前準時入睡。充足嘅睡眠除咗可以令大家每日精神地返工，仲可以保持皮膚健康！想年頭靚到年尾一定無難度！
二、定期做運動
做運動除咗可以消脂，保持美好體態之外，仲可以減壓、清除負能量、增強抵抗力、保持身心靈健康！嫌跑步太悶？不妨學吓跳舞、約朋友打羽毛球，當你喺運動中搵到樂趣嘅時候，自然會KEEP住做運動！
三、適當戶外玩樂
小編一向主張WORK-LIFE要BALANCE，一味埋頭苦幹只會令思想冇晒彈性，放假去下戶外活動（例如：露營、BBQ、去海灘、野餐等）可以令你同大自然連結，搵返人生樂趣，快樂絕對係努力生活下去嘅原動力。
四、專注學好一門手藝
手工藝可以激發腦部創意，陶冶性情，有美感嘅女人自然會散發獨有嘅女人味，新一年桃花運都強啲！
五、獲取一張有用嘅證書
適量嘅自我增值除咗提升職場嘅競爭力，仲可以幫自己搵返自信。自信嘅女人會特別吸引！快快諗下有乜嘢學咗對你嘅工作有幫助吧！
- *圖片來自網絡
Tags: Homita私房話
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
