草莓一向都係大眾嘅寵兒，將佢地將成甜品就更加係令人欲罷不能。身為草莓控嘅你地係咪都俾張圖引咗入嚟呢？小編都知道大家一定無辦法抗拒呢款以草莓砌成嘅高塔芭菲！
位於山梨縣南阿爾卑斯市嘅法式料理餐廳「シェフ・ド・フランス（Chef de France）」以期間限定形式推出呢款引人口水直流嘅芭菲，而家去到五月都仲可以品嘗到呢座草莓高塔芭菲。落單嘅時候可以跟午餐晚餐咁點，又或者係單點都可以。當然，如果你覺得分量太多嘅話亦可以叫半份芭菲，各位可以按返自己嘅需要嚟揀。
呢間餐廳喺依河畔建成，摩登嘅外觀別具歐洲風情，即使身處喺日本都有置身外國嘅氣氛。而內部就以古董家俬同埋畫作做裝飾，只係步入餐廳就可以感受到撲鼻而來嘅異國氣息，喺呢度就可以好好咁享受一下寧靜嘅時光啦。
餐廳係按返當季嘅生果嚟做返相應嘅水果芭菲，所以十二月至五月尾就會提供草莓芭菲，六月就會提供櫻桃芭菲，到七月至八月中就會提供桃芭菲，八月至十月尾就到葡萄芭菲，而十一月就到生梨芭菲。
各位快啲睇返自己鐘意嘅生果會喺邊個月登場，再約埋閨蜜出發去試芭菲啦！
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
