載譽重來嘅「Toy Fair 2019」於1月3日至1月13日舉行，邀得逾20個玩具品牌推出別具特色或最新獨家發售嘅玩具系列，並設立大型嘅趣味裝置，將海運大廈旗艦店打造成逾萬平方呎嘅大型室內玩具遊樂場，俾大小朋友免費任玩，重新體驗嬉戲嘅喜悅！

Hasbro Gaming遊戲區

大富翁：小朋友可按下大富翁搶錢風暴嘅扳機，連續噴出鈔票及機會卡

層層疊Jenga：小朋友要將特製嘅超大積木由高塔底部小心翼翼抽出，再疊上最高處但保持不倒下，從中認識平衡力。

Transformers 遊戲區

以一個2.4米高聳嘅拱門為起點，區內放置多款嘅變形金剛產品任砌任玩，大小朋友必定會心花怒放。

Super Wings杰特：在半空中矗立、高2米身型龐大、紅彤彤的似係要吸引各小朋友嘅眼球

Slimy 鬼口水系列專區： 利用鬼口水獨有嘅質感，即場創作天馬行空嘅形態同形狀！

Jelly Bean ：任務豆散落於店內唔同角落，搵到並能解答當中問題就可換取小禮物，獵豆任務必定令精力充沛嘅小朋友樂透半天！

Nerf密封的射擊專區：玩家將Nerf專屬子彈放入步槍之後，可瞄準唔同目標發射，係一個超爽嘅難得體驗。

Boogie Board 電子手寫板：高1.67米嘅超級放大Boogie Board 電子手寫板歡迎各位喺上面試玩，一定令小朋友愛不釋手。

Globber跑道：小孩會可以騎著滑板車於7米長嘅Globber跑道上奔馳，一定會感到興奮莫名

Simba遊戲區(Steffi & Evi)：參加塗色及自拍活動，或參與臉部彩繪工作坊。

台上表演及連串好玩節目

為泡製更多玩樂驚喜，玩具“反”斗城於「Toy Fair 2019」活動期間 (1月4日、1月7-11日，下午2時至晚上7時) 會喺商場中庭推出面部彩繪服務、送贈氣球及動物頭冠及好玩自拍區，並會喺周六日 (1月5-6日、1月12-13日) 安排卡通人物見面及現場好玩活動，令小朋友可親親佢哋嘅至愛偶像！