為迎接新一年，MOS Cafe特意推出全新精選迷你漢堡，一口氣嘆盡日本和牛、煙三文魚同烤牛肉三種特色風味，一次過滿足粉絲3個願望！精選迷你漢堡由即日起於全港3間MOS Cafe惹味登場，率先同各位粉絲見面。另外，分店消息亦多籮籮！MOS Burger新店將會於明年一月進駐旺角MOKO，而坑口東港城分店更以全新MOS Burger Express系列強勢回歸。

除此之外，即日起至2019年2月28日，所有65歲或以上，並持有長者卡嘅長者於全港MOS Burger及MOS Cafe用餐均可享用長者優惠，全日套餐即減$5。實行陪老友記開心賀歲迎新春！

3款迷你漢堡各具個性，賣相精緻，實在叫人不禁口水直流！

和牛漢堡：鋪上濃縮了整顆蕃茄精華嘅意式蕃茄乾同芝士，配搭蛋黃醬、蕃茄乾獨特嘅酸甜味道完美中和和牛嘅飽膩感，煙韌口感亦豐富了食材嘅層次，將經典牛肉漢堡嘅滋味提升至極致。

燒牛肉漢堡：美味程度亦絕不遜色。以澳洲牛肉製成嘅燒牛肉肉味香濃，再配上烤蒜醬汁同蛋黃醬，濃厚嘅燒肉香氣瞬間在口腔中爆發，惹味滿分！

煙三文魚漢堡：配搭質感幼滑嘅忌廉芝士同蛋黃醬，入口即溶，兩者完美融合帶出煙三文魚嘅甘香濃郁，再配合新鮮生菜，食感新鮮豐富！

「精選迷你漢堡」的供應日期由即日起於MOS Cafe 上環分店、The FOREST店及黃大仙中心店發售。

MOS Burger 香港首次推出香濃洋蔥湯　冬日聖誕暖意登場

洋蔥湯係眾多法式料理中最受人歡迎嘅湯品之一。今個冬日MOS Burger首次將香濃洋蔥湯帶俾香港嘅粉絲，提供一直大受歡迎嘅粟米湯以外另一款暖意選擇。是次推出嘅香濃洋蔥湯以被譽為法式黃金湯的牛肉清湯Consommé為湯頭，配合炒至柔軟嘅洋蔥絲，經過烹煮後洋蔥慢慢滲出甜味，客人每一口都可以食到到法式黃金湯嘅肉香同洋蔥嘅香甜，係MOS Burger特意獻上嘅獨特滋味!

「香濃洋蔥湯」的供應日期由即日起於全港MOS Burger 及 MOS Cafe分店發售。

MOS Burger Express 坑口東港城分店

地址: 將軍澳重華路8號東港城2樓222號鋪TKO-10-006單位

營業時間: 09:00 - 21:45

MOS Burger旺角MOKO分店

地址: 旺角太子道西193號MOKO 5樓511-521號鋪MK-07-004單位

營業時間: 未定（2019年1月12日正式開幕）