今個聖誕，海洋公園首次同超人氣香港原創卡通麥兜聯乘，帶來全港規模最大、款式最多嘅麥兜主題美食派對！「海洋公園聖誕全城HO HO HO」將同遊人玩盡聖誕，由2018年12月8日至2019年1月1日期間，特別呈獻超過30款聖誕期間限定嘅麥兜主題美食，由慢活品嚐嘅西餐、精緻日式便當、本土街頭小食至七彩繽紛嘅甜品及餐飲都包羅萬有，人見人愛嘅麥兜與一眾好友現身於美食中，可愛指數爆燈。而熊貓薈仲備有充滿特色又豐盛嘅滋味聖誕自助晚餐供大家享用。

麥兜春田花花聖誕大餐 整多兩啖唔怕滯

前菜：先以「『薯』地嘅麥兜雪人」造型跟大家打招呼嘅麥兜，躲在薯仔沙律嘅雪球中，安坐喺鮮味清新嘅挪威煙三文魚上，同大家大玩hide and seek！呢道前菜仲選用環保海鮮，識食之餘亦教育大家珍惜海洋資源。

湯品：「海洋中嘅阿輝」喺青豆蓉湯中暢泳，伴以聖誕節不可或缺嘅火雞肉，淡淡嘅火雞香氣大大增添濃厚嘅聖誕氣息。

主菜：「麥兜雪橇旅程」及「春田花花驚喜菠蘿包」中任擇其一：「麥兜雪橇旅程」造型生鬼趣緻，著上聖誕老人裝出場嘅麥兜坐上威靈頓牛柳雪橇，被兩隻炸薯球聖誕小鹿拖著於碟上滑行，可愛場景令人食慾大增；「春田花花驚喜菠蘿包」相信會係麥兜粉絲必點主食，以大名鼎鼎嘅超巨型菠蘿包盛載香濃意式番茄燴雞，並蓋上軟滑菠菜薯蓉嘅聖誕樹，加上時令蔬菜作為聖誕吊飾般嘅點綴，為呢道菜式錦上添花。

甜品：聖誕大餐以「甜絲絲麥兜」作結，麥兜再次「變裝」，戴上聖誕鮮果頭飾，伴以曲奇及士多啤梨慕絲「豬鼻」，最後送上士多啤梨奶昔麥兜冬日聖誕特飲，令大人小朋友在歡樂佳節回味無窮。