仲有唔到兩星期，除夕就到啦！ 各位諗好心水地方倒數未？小編已經為你準備咗商場倒數活動一覽！

第一個：MOSTown新港城中心「最炫MOSTown跨年之夜2019」

今年MOSTown新港城中心「最炫MOSTown跨年之夜2019」倒數活動，崔宇植將會首度強勢襲港，同全港粉絲一齊迎接新一年。為答謝香港粉絲嘅支持，崔宇植將秘密苦練廣東話同香港粉絲溝通，仲會喺現場大玩甜蜜遊戲！同場仲會有準媽媽陳凱琳同三位女神龔嘉欣、譚凱琪及陳庭欣助陣，同現場觀眾齊齊開心迎接2019

日期: 12月31日(星期一)

時間:  晚上10時30分至12時15分

地點:  馬鞍山鞍祿街18號MOSTown新港城中心L2天幕廣場

嘉賓:  崔宇植、陳凱琳、龔嘉欣、譚凱琪及陳庭欣

第二個：《東港城CHEERS TO 2019倒數派對》

今年特別邀得天后鄭秀文擔任嘉賓，多年來Sammi從未參與商場倒數活動，是次破天荒首次出席商場倒數活動，同粉絲齊齊迎接2019年。一眾歌手藝人包括劉浩龍（師兄）、菊梓喬（Hana）、譚嘉儀、簡淑儀、鄺潔楹及丁子朗亦將現身商場同粉絲們作近距離全接觸，大玩遊戲送禮物，又輪流獻唱多首大熱歌曲，普天同慶迎接美好新一年！

日期: 12月31日(星期一)

時間:  晚上10時正至零晨0:10分

地點:  東港城一樓展覽場（港鐵坑口站A1出口）

嘉賓:  鄭秀文、劉浩龍、菊梓喬、譚嘉儀、簡淑儀、鄺潔楹及丁子朗

第三個：荷里活廣場「除夕倒數2019大派對」

吳偉豪Ricco及林景程King會率先與現場觀眾朋友大玩遊戲，並賣力演唱帶動現場氣氛；新一代男神余德丞亦會夥拍大孖周志文同粉絲大玩特玩並一展歌喉！甜姐兒姜麗文同人氣花旦唐詩詠發揮女神魅力，載歌載舞冧盡台下觀眾！而陳豪同王浩信仲會壓軸現身，分別唱出動人好歌，將現場氣氛推至高峰，齊齊迎接2019！

日期: 12月31日(星期一)

時間:  晚上10時至凌晨12時05分

地點:  鑽石山荷里活廣場一樓明星廣場

嘉賓:  陳豪、唐詩詠、王浩信、吳偉豪、余德丞、姜麗文、周志文及林景程