最近小編真係認真的起心肝減肥,約人出街食飯嘅時候真係好痛苦,打邊爐又太油,炸雞更加唔洗講,食飯呢又怕太高澱粉,真係好麻煩!最近小編就發現咗一間加拿大式美國菜,佢嘅食物賣相同營養都好豐富,無論減緊肥定係Treat day都有美味選擇!
Green Waffle有三間分店,分別係中環、銅鑼灣同元朗,主打加拿大式美國菜,由一對歸港夫婦所經營。菜單上有好多好少見嘅菜式同食材,女店主表示:「因為丈夫細個係加拿大長大,所以好掛住加拿大嘅美食。」難怪菜單咁有心思,係對兒時生活嘅懷念啊!
最吸引小編嘅係佢地嘅Super Bowl,嘅吸睛又健康!一共有三款口味,包括最新推出嘅紅菜頭、縲旋藻同牛油果,由杏仁片、杏仁牛奶、香蕉、肉桂、椰子絲等炮製而成,特別加入「超級食物」奇亞籽,健康又滿足。
Treat Day當然一要食甜品啦!呢度嘅Waffle同班戟都非常吸引,小編尤其推薦班蘭口味!唔講唔知,班蘭除咗香氣獨特,仲對身體有非常多嘅好處,可以抗氧化,而且清熱解毒;另外呢度仲有無麵筋Waffle,腸胃唔好嘅人都可以食得到,真係好貼心!
黎緊聖誕節,佢地仲會推出聖誕套餐,包括蕃茄濃湯、牛油果火腿沙律、主菜三選一同甜品,只要HKD298起!仲可以加HKD28加杯紅酒,同重要的人歡渡聖誕!
三款主菜分別為燒春雞拼焗美國薯仔伴雜菜、普羅旺斯羊架拼煙肉薯仔伴雜菜同燉安格斯牛小排闊麵,每一款都令人食指大動!
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like