唔知大家有無聽過《冰雪女王》嘅故事呢？依個故事講述凱比冰雪女王捉咗去冰雪世界，後來比吉爾達救返。進入童話故事嘅世界，係每一個人細個嘅夢想。今個冬天，係零下30度以下嘅北海道「冰村」（「Ice Village」）將會帶你進入《冰雪女王》嘅冰極世界。

# 冰之教堂

(snowtomamu.jp)

一對新人踏入教堂，誓言對另一半永恆嘅承諾。「冰之教堂」正正代表住兩個人一直以最純真嘅心去維持依一段關係。係冰雪教堂入面，不論長椅、祭壇，甚至係十字架都係用冰同雪整成。係活動期間每晚嘅5點同7點將會舉行婚禮儀式，好讓每一對新人係純潔嘅冰極世界底下行禮，以最純真而且無雜念嘅心實踐對雙方一世嘅愛。

# 冰雪酒店

(snowtomamu.jp)

進入《冰雪女王》嘅世界，又點可以唔體驗冰雪女王係冰天雪地下嘅生活呢？「你估我唔想去極地體驗咩？去到先得㗎！」你冷靜啲聽我講…依加係冰村入面有一間「冰雪酒店」，入面一切都係冰雪女王用佢嘅冰雪魔法整成。除咗可以體驗冰雪女王所造嘅住所外，仲可以體驗「冰之浴」同「冰之露天浴池」。體驗完「冰之浴」後，仲可以自己調製一杯熱飲，係嚴寒之中感受溫暖。

# 冰之bar

(snowtomamu.jp)

(snowtomamu.jp)

係依個用冰整成嘅酒吧入面，今年有全新嘅搞作：用冰造成嘅餐具！冰村放棄咗一如概往用陶瓷整碗碗碟碟，改用冰製。係「冰之bar」到，無論碗碟，甚至連杯都係用冰所造成。除此以外，冰之bar仲設有冰之書櫃，比各位做（偽）文青。而係「冰之書櫃」同「冰椅」入面，都設有暖爐比大家「暖」住過冰雪聖誕。

(snowtomamu.jp)

除咗以上所講嘅之外，冰村仲有好多嘢等緊你去玩，就好似「冰之滑梯」同溜冰場等。想進入安徒生童話— 《冰雪女王》嘅世界，就一定要去北海道嘅「Ice Village」，體驗真正嘅冰極天地嘅生活。

「Ice Village」

地點：北海道勇払郡占冠村中トマム　星野Resort　トマム内
日期：2018年12月10日至2019年3月14日
時間：17:00至22:00 （最後入場為21:30）
費用：500円

「冰雪酒店」
日期：2019年1月19日至2019年2月28日
住宿體驗：22:00至翌日08:00