各位朋友，諗到去邊到食聖誕大餐未呢？未嘅就岩哂啦！今次要同大家推薦一間日系法式餐廳，無論你食晏就定係食夜晚，都會有豐富嘅冬季套餐係到等緊你。今次要介紹嘅，係位於金鐘太古廣場嘅LUMI。

(LUMI餐廳佈置)

LUMI係由日本名廚熊谷喜八監督主理嘅「無國界」餐廳，而LUMI依個名係源至「luminous」（明亮的）及「illumination」（照亮）。日本美食文化、西方烹飪技術同各種時令食材做出一系列色、香、味俱全嘅多元化美食，並傳遞「joie de vivre」生活哲學，鼓勵大家發掘生活中的小確幸。而餐廳入面嘅佈置，更加令人聯想起浪漫嘅巴黎花園。今個冬天，熊谷喜八先生推出多款美饌佳餚，比大家體驗美味暖心之旅，享受濃厚嘅節日氣氛。

（名廚熊谷喜八）

作為一個好鍾意食甜品嘅甜品控嚟講，淨係望到啲甜品就已經流哂口水。可能你會問：「點解一嚟就介紹甜品？唔係應該講咗主菜又或者係前菜先咩？」作為一個甜品當主菜嘅人，當然要同大家講下有咩甜品先。

今個冬天，除咗有拿破崙法式千層酥同白芝麻布甸之外，今個聖誕仲主打用唔同精緻嘅糕點整成嘅季節小甜品，當中仲有薑餅人同雪花，令季節小甜品更具冬日聖誕氣氛。

（拿破崙法式千層酥）

（白芝麻布甸）

（季節小甜品）

至於前菜同主菜方面，前菜主打龍蝦濃湯同蟹肉牛油果沙律。兩樣前菜好味得嚟又開胃，為一陣豐富美味嘅主菜做足準備。而主菜方面，今個冬天主打燒日本神戶牛同燒杏仁羊架。另外仲有唔同嘅美食佳餚等緊你，鍾意食法國菜嘅朋友，一定唔可以錯過！

（龍蝦濃湯）

（蟹肉牛油果沙律）

（燒日本神戶牛）

（燒杏仁羊架）

又或者你只係想同你班好姊妹嚟個聖誕聚會，LUMI嘅下午茶就岩哂咁多位淑女啦！係每日嘅三點開始，到LUMI享受瑰麗下午茶，當中有一系列精美鹹點同精緻甜點，仲可以品嚐各種花茶、咖啡同氣泡酒。LUMI仲特意從美國挑選多款口味嘅蒸汽茶，比大家享受精緻優雅嘅下午茶。

（下午茶套餐）

無論你係想趁聖誕假同班姊妹聚舊，定係想食聖誕大餐慶祝，LUMI都可以為你打造一個優雅、別緻嘅環境，另外仲可以享受精心炮製嘅美食，過一個浪漫聖誕。
 

LUMI

地址：金鐘金鐘道 88 號太古廣場 3 樓 301 號舖

電話：+852 2918 1313

Facebook / Instagram：@lumi.hkg

營業時間：早上11時至晚上10時