法國珠寶品牌卡地亞Cartier，今年將於中環嘅大館舉辦聖誕慶祝活動。位於中環嘅大館自年初完成翻修重新開幕之後，就成為咗香港嘅歷史及文化場所代表；Cartier同中環大館都擁有著悠久深刻嘅歷史——同樣建立於1840年代。

瑰麗懾人的巨型聖誕樹

今次嘅活動廣邀公眾參與，將慷慨、歡樂、善心同慈愛精神分享到社區。活動中嘅焦點，當然係令人一見難忘嘅卡地亞聖誕樹：高12米、直徑達8米嘅巨型聖誕樹，係Cartier於香港第一個為聖誕節日而設的嘅戶外大型裝飾；樹身掛滿逾4,000個琳瑯繽紛嘅掛飾，20,000個LED燈泡綻發出璀璨動人光芒，內置音樂系統仲會奏出悠揚悅耳嘅節日樂曲。

Cartier嘅經典紅盒子不著痕跡咁完美融入聖誕樹嘅設計當中，樹底下層疊放置咗逾100個華麗矚目嘅禮物盒，為佳節染上奢華瑰麗嘅氣息。整個組裝過程耗時逾80小時！作品會於2018年12月14日至2019年1月1日期間，喺大館嘅檢閱廣場上展出，屆時歡迎公眾參觀同拍照留念，咁好嘅打卡機會不容錯過！

盛大開幕典禮

為咗慶祝佳節同分享聖誕喜悅， 12月14日晚上除咗有盛大嘅亮燈開幕典禮，Cartier仲安排咗一系列嘅精彩節目，首先係多個音樂單位嘅演出，包括香港聲樂學院派出嘅兒童合唱團；口琴獨奏世界冠軍CY Leo（何卓彥）；無伴奏合唱（a capella）組合Senza；得獎歌手、C AllStar成員梁釗峰等。一眾表演者都喺本地音樂界享負盛名，今次邀請佢地獻技，除咗係「與眾同樂」，亦係Cartier表達對本地藝術發展嘅支持。

緊接下來仲有踢躂舞結合流行舞蹈，向在場嘉賓獻上充滿活力同歡欣氣息嘅節日驚喜。Cartier專誠邀請本地著名音樂人、音樂社企計劃《一個人一首歌》發起人馮穎琪作是次活動嘅音樂總監，務求以最悅耳嘅樂聲作聖誕禮物。開幕典禮晚上，一眾Cartier服務生亦都在場候命，同來賓合影留念。

錄下創意節日光影

除咗大型聖誕裝飾之外，Cartier仲設計咗四款糅合品牌獨有風格同聖誕主題嘅Facebook照片濾鏡，其中兩款係模擬冬日飄雪景致、一款以Cartier嘅經典紅色禮物盒為靈感，最後一款就係以精緻優雅嘅絲帶設計帶出喜慶嘅節日氣氛。呢幾款別出心裁的濾鏡，其中有兩款已經上線啦，一款可以係所有Cartier精品店使用，另一款就要喺大館嘅聖誕樹啟用，大家留意返啦。

傳揚分享精神

Cartier特意喺場地舉行公開嘅舞蹈表演，演出將於12月15至16日及12月22至26日，每日下午3:30及3:45兩個時段進行。喺公開表演期間，現場將派發匡智會製作嘅聖誕曲奇。借著意義非凡嘅聖誕節，Cartier特意同非牟利機構匡智會進行合作，希望加強對有需要人士嘅協助，延續Cartier嘅一貫價值觀–「分享」，體現重視回饋社區的慈愛精神。

卡地亞Cartier假大館傳揚聖誕精神

日期：2018年12月14日至2019年1月1日

地點：香港中環荷李活道10號大館檢閱廣場

時間：早上10時至晚上11時