普天同慶,Pret A Manger 廣受歡迎嘅聖誕節慶美食載譽歸來。喺呢個充滿分享及愛嘅節日,客人凡惠顧任何一款聖誕系列產品,Pret 就會捐出港幣一元俾剩食處理慈善機構樂餉社,為社會有需要人士帶嚟溫飽。
聖誕精選火雞午餐三文治 港幣26 元
英國人嘅聖誕大餐唔少得主角火雞,所以Pret 特別以香噴噴嘅穀物麵包鋪上紅莓醬、嫩菠菜、脆洋蔥及蛋黃醬,再加上火雞肉及釀料炮製選料豐富三文治,經典美味大滿足!
聖誕火雞熱烤卷 港幣46 元
聖誕火熱烤卷,火雞肉、釀料、埃文達芝士、甜薯以及具喜慶色彩嘅紅莓醬統統裹喺墨西哥薄餅入面,係最應節嘅美食。
肉桂南瓜湯 港幣35 元
綢滑南瓜湯加入紅蘿蔔及洋蔥烹調而成,肉桂香氣滿溢,係一款為節日帶嚟溫暖嘅美味濃湯。
法國芝士紅莓醬三文治 港幣26 元
素食聖誕之選,烤松子仁及嫩菠菜夾喺Pret 嘅穀物麵包,配上奶香濃郁嘅法國布利芝士和特製紅莓醬,簡約健康滋味!
香橙朱古力乾果餅 港幣18 元
脆香薑餅、紅莓及白朱古力的搭配,仲有一絲絲香橙嘅清香及開心果嘅甘香,帶嚟一口滿足。
聖誕乾果批 港幣15 元
曾喺英國獲獎嘅星級節日美食!Pret 乾果批由英國巧手烘焙大師按照傳統配方少量分批炮製。乾果餡料用上4 個月時間開始釀製,隨住日子帶出風味。灑上糖霜嘅Pret 星星造型十分矚目, 令人愛不釋口!
紅莓脆脆乳酪 港幣28 元
Pret 聖誕特色乳酪!紅莓醬與希臘式乳酪完美融合,再鋪滿甜甜嘅蜜糖果仁脆、紅莓乾及南瓜籽,等你細味甜美聖誕氣氛!
薑餅牛奶咖啡 港幣38 元*
永不過時嘅牛奶咖啡加入我地嘅薑餅糖漿再灑點肉桂粉,係暖意滿載嘅節日特飲。
Pret 樂餉聖誕
凡惠顧任何一款聖誕系列產品,Pret 都會捐出港幣一元俾樂餉社;而客人亦可以喺店內特設捐款箱慷慨解囊,趁節日共襄善舉。樂餉社多年嚟致力對抗香港飢餓問題,志在將剩餘食物轉送至本地嘅慈善機構,為香港面對饑餓嘅一群帶嚟食物,幫助有需要嘅人士。此項富意義嘅活動自2009 年開始,Pret 為首家捐款予樂餉社嘅品牌,多年嚟善款至今已達港幣二百萬元。
了解更多:https://www.pret.hk/en-gb/feeding-hong-kong
* 產品僅於指定分店有售