「你是女神,不要為俗眼收斂色彩」女神化身為銀光閃閃嘅紫色漩渦,降臨喺充滿醉人香氣嘅浴池中。萬眾期待嘅女神汽泡彈隆重登場,喺 Lush 嵐舒官方網站及全線港澳分店有售。
醉人嘅茉莉花精萃令你神魂顛倒,誘惑你墮入銀光閃閃嘅浴池中;而沉香及檀香則重新喚醒你嘅心神。呢股屬於女神嘅獨特香氣,將引領你嘅思緒前往未知之境。
細看紫色嘅汽泡彈喺溫熱嘅浴水中漸漸溶化,蘊藏嘅碳酸氫鈉令水面捲起色彩斑斕嘅漩渦,神奇嘅事情發生啦 — 你感到全身熱血沸騰,堅定嘅信念從心底油然而生。
傳說中,埃及艷后喜歡以牛奶入浴;而今天嘅女神則鍾愛富含果脂嘅香氛浴。公平貿易哥倫比亞可可脂及乳木果脂融化喺奶白色嘅浴水中,再配合摩洛哥堅果油嘅軟膚功效,帶嚟三重滋潤效果。呢啲美好成分嘅背後,蘊藏咗一段有關加納及摩洛哥婦女團體嘅故事︰佢地並唔係嚟自虛無飄緲嘅神話故事,而係一群為當地社區及大自然不斷奮鬥嘅真實人物。
女神汽泡彈 Goddess Bath Bomb (HKD 85)
嶄新浸浴體驗不止於此…
喺 2018 年 11 月 22 日,Lush 嵐舒嘅全新汽泡彈概念店喺日本原宿開幕。店內除咗售賣嵐舒經典款式嘅浸浴產品外,仲有超過 50 款全新限定汽泡彈,包括具日本傳統特色嘅產品以及女神汽泡彈,令人目不暇給。
全新的購物體驗
由嵐舒獨家應用程式到產品嘅展示方法,所有喺原宿概念店嘅特別設計都展示咗 Lush Labs嘅創新概念。
喺呢間概念店,我們唔再使用黑色標示牌去展示產品資料,你亦唔會見到作浸浴示範嘅盥洗盆。你會喺呢度得到全新嘅購物體驗。
下載全新推出嘅 Lush Labs 應用程式,當你以 Lush lens 掃描產品,就可以喺手機入面查看浸浴示範片段及產品資訊。Lush 嵐舒一直致力褪去產品包裝,而 Lush Lens 功能運用手機內置鏡頭以及人工智能科技,等顧客以有趣及環保嘅方式,輕鬆購買零包裝產品。
原宿概念店除咗發售一系列全新設計、季節限定及常規汽泡彈,更會推出充滿日本特色嘅獨家產品 — 例如靈感嚟自原宿風潮流達人、日本神話角色九尾狐嘅汽泡彈;佢亦都係Lush 嵐舒嘅「實驗室」,結合線上及門市嘅顧客體驗,創建嶄新嘅購物方式。我地都會廣納顧客嘅反饋,為大眾提供更新穎、更體貼嘅服務。